ამ ადამიანს ნებსით თუ უნებლიეთ წამოსცდა იმ გეგმის შესახებ, რაზეც ჩვენ, „ქართული ოცნება" დიდი ხანია საზოგადოებას ინფორმაციას ვაწვდით, - ამის შესახებ საპარლამენტო უმრავლესობის წევრმა, გიორგი ამილახვარმა გიორგი ჩალაძის განცხადების კომენტირებისას აღნიშნა.
„მათ შორის ბიძინა ივანიშვილის ადვოკატები, რომ ის პროცესები, რაც მიმდინარეობს „კრედიტ სუისში", ბიძინა ივანიშვილის სახსრებთან დაკავშირებით, დაკავშირებულია საქართველოს შიდა პოლიტიკასთან. როგორც აღმოჩნდა, დაკავშირებული ყოფილა მიხეილ სააკაშვილის გათავისუფლებასთან, რადგან ამ ადამიანმა პირდაპირ გათქვა, რომ მიხეილ სააკაშვილის გათავისუფლება პრაქტიკულად იქნებოდა ტოლობის ნიშანი ბიძინა ივანიშვილისთვის იმ სახსრების გათავისუფლებაში, რომელსაც ახლა ედავება „კრედიტ სუისი", - განაცხადა ამილახვარმა.
„ნაცმოძრაობის" წევრმა გიორგი ჩალაძემ ტვ „პირველის" ეთერში განაცხადა: გაუშვით მიშა, მე გაძლევთ პირობას, ბიძინას გაყინულ ფულს, მე ჩავუდგები სათავეში, რომ გავათავისუფლებინო.