შალვა პაპუაშვილმა პარლამენტის პლენარულ სხდომაზე ოპოზიციის იმ ნაწილს მიმართა, რომლებმაც მამუკა მდინარაძის სიტყვით გამოსვლის დროს პროტესტი მაგიდაზე ბრახუნით გამოხატეს.

„სამწუხაროა, რომ უმრავლესობის ფრაქციის ხელმძღვანელის გამოსვლის დროს იყო ასეთი რეაქცია. ერთ რამეს გირჩევდით - თუკი თქვენი აღშფოთება ასეთი გულწრფელია, ამ ბრახუნის დროს არ უნდა გეღიმებოდეთ. არ შეიძლება ასე. ხალხს ზაფრავთ, ატყუებთ და იცინით აქ პროტესტის დროს. არ შეიძლება ასე. ეს არის უპატიოსნობა. სიცილ-სიცილით პროტესტი მე არ გამიგია. გულში ასე აღშფოთებულები რომ იყოთ, პირზე ღიმილი არ გექნებოდათ ამ ბრახუნის დროს. ეს ღიმილი აჩვენებს თუ რამდენად ხელოვნურია თქვენი აღშფოთება", - განაცხადა პარლამენტის თავმჯდომარემ.