მიხეილ სააკაშვილის პოლიტპატიმართა შორის მოხსენიება მეტყველებს იმ კორუფციულ პრობლემებზე, რომლებიც სამწუხაროდ, ევროპარლამენტშია - ამის შესახებ "ქართული ოცნების" თავმჯდომარემ განაცხადა.

"ჩვენთვის ეს ფაქტი არის, რა თქმა უნდა, უკიდურესად მიუღებელი. მიხეილ სააკაშვილი არის პატიმარი, რომელსაც აქვს მისჯილი სასჯელი კონკრეტული უმძიმესი დანაშაულებისთვის. ეს არის უმძიმესი დანაშაულები და მისი მოხსენიება პოლიტპატიმართა შორის, მეტყველებს იმ კორუფციულ პრობლემებზე, რომლებიც არის, სამწუხაროდ, წარმოდგენილი ევროპარლამენტში. მე იმედი მაქვს, რომ ევროპარლამენტი ასეთ პრობლემებს უახლოეს მომავალში დაძლევს," - განაცხადა კობახიძემ.