ნათქვამია რომის პაპზე მეტი კათოლიკეო, მაგრამ, როცა კათოლიკეც არ ხარ და რომის პაპის ტიარას ეტანები, ნიშნავს, რომ საკუთარ თავს იგდებ სასაცილო მდგომარეობაში, - ასე გამოეხმაურა ექსპერტი სოსო არჩვაძე დეპუტატ კახაბერ ოქრიაშვილის მიერ გაკეთებულ განცხადებას, რომლის თანახმად, რეალურ ეკონომიკურ ზრდას ინფლაციის მაჩვენებელი უნდა გამოაკლდეს.

„ამის თქმა შეიძლება მხოლოდ დეპუტატ ოქრიაშვილის განცხადებაზე, თითქოს საქართველოს ეკონომიკა მინუსებში მიდის, მაშინ როდესაც მსოფლიო ბანკის, სავალუტო ფონდისა და სხვა ორგანიზაციების მიერ საქართველოს ეკონომიკის ზრდა შეფასებულია როგორც ერთ-ერთი საუკეთესო მსოფლიოში", - აღნიშნა ექსპერტმა.