ფიზიკური დაპირისპირება საოკუპაციო ხაზთან - სოფელ ბერშუეთში შინაგან საქმეთა სამინისტროს თანამშრომლებზე თავდასხმის ბრალდებით ოთხი პირი დააკავეს.

"მთავარი არხის" ინფორმაციით, საქმე ეხება ორი დღის წინ მომხდარ ინციდენტს, რომელშიც განსაკუთრებულ დავალებათა დეპარტამენტის თანამშრომლები და ადგილობრივები ფიგურირებენ.

შსს-ში აცხადებენ, დაკავებულებს სამსახურებრივი მოვალეობის შესრულების დროს პოლიციელებზე თავდასხმას ედავებიან.

2 პირი დაკავებულია საქართველოს სსკ-ის 353-ე პრიმა მუხლის პირველი ნაწილით, რაც პოლიციელზე თავდასხმას გულისხმობს სამსახურებრივ საქმიანობასთან დაკავშირებით.

დანაშაული 4- დან 7 წლამდე პატიმრობას ითვალისწინებს,

ხოლო 2 პირი დაკავებულია საქართველოს სსკ-ის 173-ე მუხლის პირველი ნაწილით რაც სამსახურებრივი მოვალეობის შესრულების დროს სამართალდამცავი ორგანოს თანამშრომლის, პოლიციელის, კანონიერი განკარგულებისადმი ან მოთხოვნისადმი დაუმორჩილებლობა, ან ამ პირის სიტყვიერი შეურაცხყოფა ან/და მის მიმართ სხვა შეურაცხმყოფელი ქმედების განხორციელებას გულისხმობს

დანაშაული ჯარიმას, ან 15 დღემდე ვადით ადმინისტრაციულ პატიმრობას ითვალისწინებს.

წყარო: "მთავარი არხი"