საიდან იცის კელი დეგნანმა, რომ ჩვენ [სანქცირებული მოსამართლეები] ღამით ზარებს ვახორციელებთ, ანუ ამერიკის საელჩო ტელეფონზე გვისმენს?! - ამის შესახებ მოსამართლე ლევან მურუსიძემ გადაცემა „იმედი LIVE“-ში განაცხადა.
„თუ გვისმენენ, მაშინ ვთხოვთ - გამოაქვეყნონ ეს ზარები და საზოგადოებას დაანახონ, რომ ღამე ლევან მურუსიძე კონკრეტულ მოსამართლეს ურეკავს და აიძულებს, თან ქრთამსაც აძლევს და კონკრეტულ გადაწყვეტილებას აღებინებს. მაინტერესებს, საიდან აკეთებს დეგნანი ამ დასკვნას?“ - აღნიშნა ლევან მურუსიძემ.
აშშ-ის სახელმწიფო მდივნის, ენტონი ბლინკენის განცხადებით, აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს, მნიშვნელოვან კორუფციულ საქმიანობაში მათი ჩართვის მოტივით, სანქციები დაუწესა.