საერთაშორისო რესპუბლიკის ინსტიტუტის (IRI) საზოგადოებრივი კვლევის მონაცემებით, გამოკითხულთა უმეტესობა - 42% ამბობს, რომ "უცხოური აგენტების" შესახებ კანონპროექტი საქართველოს დასავლურ მისწრაფებებს უთხრის ძირს.

18% ამბობს, რომ მეტწილად ეთანხმება დებულებას, რომ კანონპროექტი ქვეყნის დასავლურ ღირებულებებს უთხრის ძირს. 7% - ამბობს, რომ მეტწილად არ ეთანხმება, 15% ამბობს, რომ საერთოდ არ ეთანხმება.

გამოკითხულთა 38% თვლის, რომ კანონპროექტი საქართველოში არასამთავრობო ორგანიზაციების, სამოქალაქო ჯგუფებისა და მედიის გასაჩუმებლად იყო მიღებული. 18% ამ დებულებას მეტწილად ეთანხმება, 7% - მეტწილად არ ეთანხმება, 15% კი საერთოდ არ ეთანხმება.

ამავე კვლევის თანახმად, რესპონდენტთან უმეტესობა - 38% ამბობს, რომ კანონის მიღება საქართველოს აახლოებს რუსეთთან. 18% ამბობს, რომ მეტწილად ეთანხმება ამ წინადადებას, 7% - მეტწილად არ ეთანხმება და 15%- საერთოდ არ ეთანხმება.

ამასთან ერთად, კვლევაში მონაწილეთა 40% ამბობს, რომ "უცხოური აგენტების" კანონპროექტის დამტკიცება არ არის საქართველოს ეროვნული ინტერესი.

აღნიშნულ კითხვებზე რესპონდენტებს რამდენიმე პასუხის გაცემა შეეძლოთ.