საერთაშორისო რესპუბლიკურმა ინსტიტუტმა (IRI) საზოგადოებრივი აზრის ახალი კვლევა გამოაქვეყნა, რომელიც 2023 წლის 4-23 მარტის პერიოდში ჩატარდა. დასმულ კითხვებს შორის იყო შეკითხვა საქართველოსთვის ყველაზე მნიშვნელოვანი პოლიტიკური პარტნიორის შესახებ.

IRI კვლების მიხედვით, გამოკითხულმა მოსახლეობამ საქართველოსთვის ყველაზე მნიშვნელოვან პოლიტიკურ პარტნიორად ევროკავშირი დაასახელა, ყველაზე დაბალი პროცენტი კი რუსეთმა მიიღო.

კითხვაზე - რომელ ქვეყანას მიიჩნევთ საქართველოსთვის ყველაზე მნიშვნელოვან პოლიტიკურ პარტნიორად, პასუხები ასე გადანაწილდა:

ევროკავშირი - 63%

ამერიკა- 47%

უკრაინა - 27%

თურქეთი - 18%

აზერბაიჯანი-16%

რუსეთი -8%

კვლევა ჩატარდა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა IPM-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 63%.

კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.