საქართველოს პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა საფრანგეთის საგარეო საქმეთა მინისტრის საქართველოში დაგეგმილი ვიზიტთან დაკავშირებით ჟურნალისტებთან ისაუბრა.

„მნიშვნელოვანია ჩვენი პარტნიორების საქართველოში ვიზიტები. ეს არის საუკეთესო შესაძლებლობა, გვქონდეს მათთან აქტუალურ საკითხებზე მსჯელობა, მათ საკუთარი თვალით იხილონ საქართველოში მიმდინარე პროცესები, საქართველოს განვითარება და ა.შ., რაც დაკავშირებულია ევროკავშირში გაწევრიანებასთან, ასევე ევროკავშირის წევრ ქვეყნებთან ორმხრივი ურთიერთობების გაძლიერებასთან", - აღნიშნა მაკა ბოჭორიშვილმა.

საფრანგეთის საგარეო საქმეთა მინისტრი, კატრინ კოლონა 28 აპრილს საქართველოს ვიზიტით ეწვევა.