საფრანგეთის საგარეო უწყებაში განაცხადეს, რომ საფრანგეთი თავის პარტნიორებთან ერთად განაგრძობს მუშაობას იმაზე, თუ როგორ დაუჭიროს მხარი უკრაინას გრძელვადიან პერსპექტივაში, მათ შორის უსაფრთხოების გარანტიების საკითხზე.

„საფრანგეთი მზად არის, შეათანხმოს უკრაინასთან უსაფრთხოების გარანტიების საკითხი, რაც დაეხმარება მას დაიცვას საკუთარი თავი გრძელვადიან პერსპექტივაში და თავიდან აიცილოს შესაძლო აგრესია, როგორც ჩვენმა ლიდერებმა 36-ე ფრანკო-ბრიტანული სამიტის ერთობლივ დეკლარაციაში დაადასტურეს", - ნათქვამია განცხადებაში.