სოციალურ ქსელ გლდანის ჯგუფში, ერთ-ერთი მოქალაქე თამო ჩოჩნიძე წერს, რომ ლიფტი მოწყდა და სიკვდილს სასწაულებრივად გადაურჩა.

„დღეს სიკვდილს ჩავხედე თვალებში ჩემი ერთი წლის შვილთან და მეუღლესთან ერთად, მესამე მიკროს 11 კორპუსის მე-4 სადარბაზოში მეცხრე სართულიდან ლიფტი მოწყდა და შახტაში ჩავარდა, გული თუ არ გაგვისკდებოდა არ მეგონა. ჩემი წივილი ყველას ესმოდა, არ ვიცი ლიფტში კიდევ როდის დავჯდები და ამ შიშს როდის გადავლახავ. სანამ ვინმეს იმსხვერპლებს, იქნებ, მოგვიგვაროთ ეს პრობლემა“,- წერს თამო ჩოჩნიძე.