„ნაციონალური მოძრაობა" ყოფილი თანაგუნდელების ინიციატივას მხარს არ უჭერს. საუბარია ხატია დეკანოიძისა და რომან გოცირიძის საკანონმდებლო წინადადებაზე. უფრაქციო დეპუტატმა რეგლამენტში ცვლილებების პროექტი მოამზადეს, რომლის მიხედვითაც პოლიტიკური ჯგუფის შექმნის შესაძლებლობა ორ დეპუტატს აქვს.

„პოლიტიკური ჯგუფის თემის წამოწევას „ნაციონალური მოძრაობის" მხრიდან აქვს 2 მიზანი: მათმა ფრაქციამ პრაქტიკულად დააკანონა, გააძლიერა საქართველოში მოსამართლეთა კლანი, სანამ ხელისუფლება არ შეიცვლება. ახლა მიდის ორ ჯგუფს შორის დავა, რა იყო მოტივი. თუ პოლიტიკური ჯგუფები შეიქმნა, „ნაციონალური მოძრაობა" ისედაც დაშლის პირასაა და არ არის გამორიცხული, რომ პარტიაში მიმდინარე პროცესებმა ფრაქციაში გადმოინაცვლოს და პარტიის დაშლას მოჰყვეს ფრაქციის დაშლაც.

ყველაფრის დაყვანა ჯგუფის შექმნა/არშექმნამდე არის ისრების გადატანა იმ მიმართულებით, რომელიც ყველაზე პრიმიტიული, ელემენტარული და არაფრისმომცემია", - მიიჩნევს გოცირიძე.