ვრცელდება ინფორმაცია ლევან ბერძენიშვილზე თავდასხმის შესახებ, რაც ჩემთვის კატეგორიულად მიუღებელია. მოვუწოდებ სამართალდამცავებს, მოახდინონ მყისიერი და ეფექტიანი რეაგირება, - ამის შესახებ სახალხო დამცველი, ლევან იოსელიანი სოციალურ ქსელში წერს.

მისივე თქმით, დემოკრატია გულისხმობს იმ ადამიანების ერთობლივ მშვიდობიან თანაცხოვრებას, ვისაც განსხვავებული აზრები გააჩნიათ.

ლევან ბერძენიშვილის განცხადებით, მას დილით ჭავჭავაძის გამზირზე ახალგაზრდა მამაკაცი დაესხა თავს, რომელმაც მიმართა სიტყვით "მოღალატე" და კვერცხი ესროლა.