ყველა სამსახური არის მოწოდების სიმაღლეზე, რომელსაც ევალება აღნიშნული მიმართულება, კონტროლი, ზედამხედველობა, - თუ რაიმე საფრთხე იქნება, გადადგმული იქნება შესაბამისი ნაბიჯები, - ამის შესახებ თბილისის მერმა, კახა კალაძემ განაცხადა.
კალაძის თქმით, საზღვრების კონტროლს ახორციელებს შესაბამისი სამსახური და ისინი მოქმედებენ ქვეყნის ინტერესებიდან გამომდინარე.
„რაც შეეხება საზღვრების კონტროლს, არსებობს შესაბამისი სამსახურები. გუშინ შსს-მ გააკეთა განცხადება, სადაც ყველაფერი იყო ნათქვამი. შესაბამისად, ყველა სამსახური არის მოწოდების სიმაღლეზე, რომელსაც ევალება აღნიშნული მიმართულება, კონტროლი, ზედამხედველობა. თუ რაიმე საფრთხე იქნება, რა თქმა უნდა, გადადგმული იქნება შესაბამისი ნაბიჯები, რაც პირველ რიგში ქვეყნის ინტერესებში შედის და ქვეყნის ინტერესებიდან გამომდინარეობს", - განაცხადა კალაძემ.