პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის განცხადებით, პოლონელი ექიმის ინციდენტი კეთილსინდისიერებასთან დაკავშირებით ეჭვებს აჩენს.
„პოლონელ ექიმს საშუალება ჰქონდა, პორტფელის საშუალებით, ლეგიტიმურად გამოეტანა სარკვევი მასალა. როცა ფარულად, მალულად გამოტანას ცდილობს, ის კითხვა კი არ გაგიჩნდება, ყველაფერი კანონიერად არის თუ არა, არამედ რა არაკეთილსინდისიერი მიზნისთვის შეიძლება ესაჭიროებოდეს ამ აქტივობის განხორციელება. ვის რა ჩანაფიქრი ჰქონდა, მათ გარდა, ამის ზუსტად თქმა არავის შეუძლია, მაგრამ კეთილსინდისიერებაზე ეჭვი გაგიჩნდება.
ოპოზიციამ ამ ყველაფერს რომ ახსნა მოუძებნოს, ეს მათთვის უფრო რთულია, რადგან დამაჯერებელი ვერსია უნდა შემოგვთავაზონ და თქვან, ეს ყველაფერი კეთილსინდისიერი მოტივებით იყო ნაკარნახევიო, რაც ურთულესი ამოცანაა, ამის ახსნას ვერ შეძლებენ. თუ კითხვები გაჩნდებოდა, უფრო მძაფრ თავდასხმებსა და ინსინუაციებს მიიღებდა ხელისუფლება. სხვათა შორის, ასეთ დროს არავის გაახსენდებოდა მოვლენათა ასეთი განვითარება, რასაც ახლა ვადევნებთ თვალს", - განაცხადა მიხეილ სარჯველაძემ.