გარემოს დაცვისა და სოფლის მეურნეობის მინისტრმა, ოთარ შამუგიამ შოვში განვითარებული სტიქიის შედეგად გარდაცვლითა ოჯახებს ბრიფინგზე კიდევ ერთხელ მიუსამძიმრა.
მინისტრმა აღნიშნა, რომ ამ დროისთვის 16 დაკარგულ ადამიანს ეძებენ და მათი ძებნის სამუშაოები გრძელდება. პროცესში ჩართულია მაშველები, ჯარისკაცები, რომლებიც 24-საათიან რეჟიმში მუშაობენ. შამუგიამ მათ ამისთვის განსაკუთრებული მადლობა გადაუხადა.
„არ შემიძლია, არ აღვნიშნო, რომ სიტუაციას კიდევ უფრო ამძიმებს არაერთი გადაუმოწმებელი ინფორმაცია და ზოგიერთ შემთხვევაში ცილისწამება. ეს ეხება, თითქოსდა სტიქიამდე ორი დღით ადრე წყლის შეგუბების ფაქტებს, ასევე მდინარის კალაპოტის ცვლილებასთან დაკავშირებულ საკითხებს; ასევე, თითქოს, მენეჯერებს ჰქონდათ ინფორმაცია წინასწარ სტიქიის შესახებ და ასე შემდეგ. ბევრი არასწორი ინფორმაცია მოვისმინეთ ჩვენ ბოლო დღეების განმავლობაში", - განაცხადა მინისტრმა.