საქართველოს პრეზიდენტი სალომე ზურაბიშვილი რუსეთ-საქართველოს 2008 წლის აგვისტოს ომთან დაკავშირებით განცხადებას ავრცელებს და აცხადებს, რომ აგრესორ და ოკუპანტ რუსეთს ომიდან 15 წლის შემდეგაც საქართველოს ტერიტორიები ოკუპირებული აქვს.

პრეზიდენტის თქმით, საქართველო დაიცავს თავის ევროპულ გზას.

„რუსეთი არის აგრესორი და ოკუპანტი! 2008 წლის ომიდან 15 წლის შემდეგ მას კვლავ ოკუპირებული აქვს ჩვენი ტერიტორიის 20%-ს და არღვევს ყველა პრინციპს.

საქართველო დაიცავს თავის ევროპულ გზას, მშვიდობიანად დაიბრუნებს ტერიტორიულ მთლიანობას და იქნება მტკიცე დესტაბილიზაციის ნებისმიერი მცდელობის წინააღმდეგ", - წერს ზურაბიშვილი „ტვიტერზე".