შოვში, სტიქიის ეპიცენტრიდან რამდენიმე კილომეტრში და დასახლებული პუნქტიდან მოშორებით, მდინარის სანაპიროზე მარხავენ ცხოველთა ლეშებს, რომელიც სტიქიის ეპიცენტრში იპოვეს.

მანამდე არაერთხელ დაისვა კითხვა, ხომ არ იყო ეპიდემიის გავრცელების საფრთხე, ვინაიდან იმის მიუხედავად, რომ ზღვის დონიდან საკმაოდ მაღლა მდებარეობს კურორტი, უჩვეულოდ მაღალი ტემპერატურაა. სურსათის ეროვნული სააგენტოს წარმომადგენლებმა ჟურნალისტებთან საუბარში თქვეს, რომ სპეციალური ვეტერინარული წესით მოხდება ცხოველთა ლეშების დამარხვა.

რაჭაში, შოვში მჟავე წყლებთან მეწყერი 3 აგვისტოს ჩამოწვა, რასაც ამ დროის მონაცემებით 24 ადამიანი ემსხვერპლა, 20 იდენტიფიცირებულია. 9-ის მოსაძიებლად კი 24-საათიან რეჟიმში მუშაობენ.