გერმანიის კანცლერი ყველანაირად ეცდება, რომ გერმანია უკრაინის ომში მხარედ არ ჩაერთოს. ამ თემაზე ოლაფ შოლცი გერმანულ მედიას ესაუბრა.

კანცლერის თქმით, მისი მიზანი ომის პრევენციაა და ამიტომ უკრაინაში არცერთი გერმანელი სამხედრო მოსამსახურე არ არის და არც იქნება.

კანცლერმა გერმანულ მედიას განუმარტა, რომ დასავლეთს რუსეთში პოლიტიკური რეჟიმის შეცვლის მიზანი არ აქვს.

„პუტინს მოუწევს შეეგუოს იმას, რომ მის გვერდით არსებობს ევროკავშირი - ღია საზოგადოებისა და ლიბერალური დემოკრატიების თანამეგობრობა და მას შეუძლია, გარკვეულწილად იმედი ჰქონდეს, რომ თავისუფლება ვირუსი არ არის", - აცხადებს ოლაფ შოლცი.