დეპოლარიზაცია რა თქმა უნდა, ყველაზე რთული ამოცანაა და ამ ამოცანის შესრულება არ არის დამოკიდებული ხელისუფლებაზე, „ქართულ ოცნებაზე", - ამის შესახებ პარტია „ქართული ოცნების" თავმჯდომარემ, საპარლამენტო უმრავლესობის ლიდერმა ირაკლი კობახიძემ ჟურნალისტებს განუცხადა.
მისივე განმატებით, ამ ყველაფერს ხანგრძლივი ისტორია აქვს.
„მთავარი ძალა, რომელიც საქართველოში პოლარიზაციას აღრმავებს, ეს არის უცხოური აგენტურა. ეს შეიძლება ძალიან თამამად ითქვას. ვიდრე უცხოური აგენტურა ამ ამოცანით მოქმედებს, საქართველოში პოლარიზაცია იქნება. ვგულისხმობ შესაბამის პოლიტიკურ პარტიებს, მათთან დაკავშირებულ ენჯეოებსა და მედიასაშუალებებს. რაც შეეხება ამ კონტექსტში იმპიჩმენტზე საუბარს, პოლარიზაციას აღრმავებს არა იმპიჩმენტის პროცედურა, არამედ საქართველოს კონსტიტუციის უხეში დარღვევა", - განაცხადა კობახიძემ.