ქარელის მუნიციპალიტეტის ერთ-ერთი სოფლიდან არასრულწლოვანი გოგო მოიტაცეს და იძალადეს. ბავშვი 2011 წელსაა დაბადებული. გოგონას მოტაცებისთვის 22 წლის ქარელელი ბიჭი დააკავეს.

ადგილობრივების ინფორმაციით, 12 წლის გოგონა ბებიასთან იმყოფებოდა სტუმრად.

“შაბათს მოხდა ეს ამბავი. საღამო იყო უკვე. ეს გოგო აქ ბებიასთან იყო სტუმრად და ამ ბიჭმა მოიტაცა”, – უთხრეს “მოზაიკას” ადგილობრივებმა.

პოლიციამ ბიჭი დააკავა. შსს-ის ცნობით, გამოძიება სსკ-ის 140-ე მუხლით მიმდინარეობს.