„საქართველოში15 წელზე უფროსი ასაკის მოსახლეობა 3 მლნ-ზე ქვემოთ რჩება, რაც კითხვის ნიშნებს ბადებს სამუშაო ძალის სტაბილურობის შესახებ,“ - PMCG-ს კვლევაშია აღნიშნული.
მათივე ცნობით, შრომის ბაზრის მაჩვენებლები ნელი ტემპით უმჯობესდება.
„2023 წლის მე-2 კვარტალში, 2022 წლის მე-2 კვარტალთან შედარებით,სამუშაო ძალა 2.8%-ით გაიზარდა, ხოლო სამუშაო ძალის გარეთ მოსახლეობა 3.7%-ით შემცირდა.
საქართველოში15 წელზე უფროსი ასაკის მთლიანი მოსახლეობა 3 მილიონზე ქვემოთ რჩება (15+ ასაკის მოსახლეობის რაოდენობა ამ ნიშნულს პირველად 2022 წელს ჩამოსცდა), რაც კითხვის ნიშნებს ბადებს მომავალში სამუშაო ძალის სტაბილურობის შესახებ.
BAG ინდექსის მიხედვით, კომპანიათა 35%-მა 2023 წლის მესამე კვარტალში გაზარდა თანამშრომლების ხელფასები, რაც შესაძლოა, დაკავშირებული იყოს სპეციალისტებისა და სამუშაო ძალის ნაკლებობასთან.
აღსანიშნავია, სებ-ის თანახმად, ბოლო პერიოდში კომპანიებმა ხელფასები გაზარდეს მათი მოგების ზრდის ტემპის შემცირების ხარჯზე. შესაბამისად, დიდი ალბათობით, საქართველოში ხელფასი-ფასის სპირალის განვითარებას ადგილი არ აქვს,“ - ნათქვამია კვლევაში.