ბრიტანეთი არის საქართველოს ერთ-ერთი ყველაზე მნიშვნელოვანი სტრატეგიული პარტნიორი სახელმწიფო, რომლის როლიც ძალიან დიდია ჩვენი ქვეყნის უსაფრთხოებისა და მედეგობის გაძლიერებაში, - ამის შესახებ პარლამენტის თავდაცვისა და უშიშროების კომიტეტის თავმჯდომარე, ირაკლი ბერაიამ განაცხადა, რომელიც ოფიციალური ვიზიტით ლონდონში იმყოფება.

„ბრიტანეთის ჩართულობის გაზრდა საქართველოს თავდაცვისუნარიანობის განმტკიცებისთვის მხარდაჭერის შემდგომი გაზრდა და გაძლიერება და რა თქმა უნდა, საქართველოს ევროატლანტიკური ინტეგრაციის გზაზე მხარდაჭერის შემდგომი გაძლიერება. ჩვენმა პარტნიორებმა გვითხრეს, რომ დიდი ბრიტანეთი გააკეთებს ყველაფერს და შესაძლებლობების მაქსიმუმს იმისთვის, რომ კიდევ უფრო გაძლიერდეს საქართველოს თავდაცვითი შესაძლებლობები და რა თქმა უნდა, საქართველოს ექნება სრული მხარდაჭერა და აქვს კიდეც სრული მხარდაჭერა ნატოში ინტეგრაციის გზაზე“, - განაცხადა ირაკლი ბერაიამ.