„ქართული ოცნების“ ხელში, რომელიც ემსახურება რუსეთს, კლავს პერსპექტივას ჩვენი ქვეყნისთვის, ახალგაზრდობისთვის, მომავლისთვის, არაფერი გამოვა, – ამის შესახებ „ლელოს“ ლიდერმა, მამუკა ხაზარაძემ განაცხადა.
როგორც ხაზარაძემ ანაკლიაში მედიას განუცხადა, ახლა ყველა უნდა გაერთიანდეს.
„მოვუწოდებ ყველას, ვისაც უნდა ჭაობიდან ამოვიდეს ქვეყანა, დაძლიოს უმუშევრობა, ქვეყანა გახდეს მდიდარი, ჩამოვიდნენ ემიგრანტები და არ მიდიოდნენ ისე, როგორც მოუწოდა ბიძინა ივანიშვილმა, გაემგზავრეთო. ვისაც ეს უნდა, უნდა შევიკრათ ერთად, რომ დავამარცხოთ ეს ორი პოლუსი, ეს ჩაკეტილი წრე, ქვეყანას უნდა მივცეთ ახალი პერსპექტივა ახალი კოალიციური მთავრობით, სადაც „ლელო“ ითამაშებს გადამწყვეტ როლს, ლოკომოტივის როლს შეასრულებს. მოგიწოდებთ ბრძოლისკენ, ერთად დგომისკენ“, – განაცხადა ხაზარაძემ.