"ერთიანი ნაციონალური მოძრაობის" თავმჯდომარის, ლევან ხაბეიშვილის თანამდებობიდან გადადგომის მოთხოვნას პარტიის კახეთის რაიონული ორგანიზაციები უერთდებიან. სიღნაღის, თელავის, გურჯაანის, ლაგოდეხის მუნიციპალიტეტის საკრებულოს ფრაქციის წევრები პარტიაში შექმნილ კრიზისზე პასუხისმგებლობას მოქმედ ხელმძღვანელობას აკისრებენ.

შესაბამის განცხადებაზე ხელმომწერები, ლევან ხაბეიშვილისგან, პოსტის დატოვებასთან ერთად, უახლოეს პერიოდში ყრილობის მოწვევასა და ახალი მმართველი ორგანოს არჩევასაც ითხოვენ.

ქვეყნის მასშტაბით, პარტიის წარმომადგენლები მოქმედ თავმჯდომარეს ღიად მას შემდეგ დაუპირისპირდნენ, რაც ხაბეიშვილმა პირდაპირ ეთერში ნიკა მელიას პარტიიდან გარიცხვას ხელი მოაწერა.