"ნაციონალური მოძრაობის" მიერ გამართულ ფორუმს მმართველ გუნდში ეხმაურებიან. დეპუტატები "ქართული ოცნებიდან" ამბობენ, რომ ფარისევლურია "ნაცმოძრაობის" მცდელობები, წარმოაჩინონ, თითქოს სოლიდურ ძალას წარმოადგენენ.
უმრავლესობის წევრების თქმით, "ნაციონალური მოძრაობის" ისტორია დასასრულს უახლოვდება, რაც კარგია ახალი პოლიტიკური პარტიებისთვის, რომლებსაც აქვთ სურვილი პარლამენტში ნამდვილ ოპოზიციას წარმოადგენდნენ.
"აბსოლუტურად ფარისევლურია მცდელობები, წარმოაჩინონ, თითქოს, რაღაც სოლიდურ პარტიად გამოიყურებიან. სინამდვილეში, ყველა კარგად ხვდება, რომ ამ პარტიისთვის, რომელსაც "ნაციონალური მოძრაობის" სახელით ვიცნობთ, პოლიტიკური აღსასრული დადგა", - განაცხადა მიხეილ სარჯველაძემ.