სენაკში, ჭავჭავაძის ქუჩაზე უმძიმესი ავტოსაგზაო შემთხვევა მოხდა. ერთმანეთს ორი ავტომობილი შეეჯახა.
გარდაცვლილია ორი ქვეითი, რომლებსაც ძლიერი შეჯახების შედეგად მოცურებული ავტომობილები დაეჯახნენ.
“გურია ნიუსისთვის” ახალი დეტალები გახდა ცნობილი. წყაროს თქმით, გარდაცვლილები, სავარაუდოდ, ოჯახის წევრები არიან.
“საშინელებაა. გარდაცვლილები,სავარაუდოდ, ოჯახის წევრები, ცოლ-ქმარი არიან”, - უთხრა მან გამოცემას.
შემთხვევის ადგილას საგამოძიებო მოქმედებები მიმდინარეობს.
