სასოწარკვეთილება, რაც დაეუფლა ჩვენს ოპონენტებს, კარგად წარმოაჩენს ბიძინა ივანიშვილის დაბრუნების ფასს, - ამის შესახებ ფრაქცია „ქართული ოცნების“ თავმჯდომარის მოადგილემ, გია ცაგარეიშვილმა განაცხადა.

„შიდა და გარე საფრთხეები არ იკლებს, მატულობს, ამიტომ, მე ვფიქრობ, რომ ახლა ივანიშვილის დაბრუნება ახალი დინამიკის მიმცემი იქნება. მან განაცხადა, რომ ქართულ პოლიტიკაში მისი მობრუნების მთავარი მისია იქნება საქართველოს სრულუფლებიანი ინტეგრაცია და გაწევრიანება ევროკავშირში. ეს იქნება თავზარდამცემი ამბავი ჩვენი ოპონენტებისთვის ქვეყნის შიგნით თუ გარეთ“, - აღნიშნა ცაგარეიშვილმა.

ბიძინა ივანიშვილი პოლიტიკაში დაბრუნდა. ამის შესახებ „ქართული ოცნების“ ყრილობაზე გახდა ცნობილი. ის მმართველი პარტიის საპატიო თავმჯდომარის თანამდებობას დაიკავებს.