ბელარუსის პრეზიდენტმა, ალექსანდრე ლუკაშენკომ პრეზიდენტისთვის უვადო გარანტიების შესახებ კანონს მოაწერა ხელი.

კანონი პრეზიდენტისთვის ახალ გარანტიებს ითვალისწინებს, მათ შორის, მისი გადადგომის შემდეგაც. ის სამუდამო იმუნიტეტს აძლევს ყოფილ პრეზიდენტსა და მისი ოჯახის წევრებს.

კანონი ასევე უფლებას აძლევს პრეზიდენტს, გადადგომის შემდეგ, ეროვნული კრების დეპუტატი და პარლამენტის ზედა პალატის უვადო წევრი გახდეს.