მსახიობ ზურა ბერიკაშვილს, რომელსაც ორი კვირის წინ ჯანმრთელობის პრობლემები შეექმნა, რამდენიმე დღეში სამკურნალოდ საზღვარგარეთ წაიყვანენ. მსახიობის ჯანმრთელობის მდგომარეობაზე „ფორტუნას“ მისი მეუღლე, თამუნა ნიკოლაძე ესაუბრა.
„დღეს მე-14 დღეა. პირველი დღეებში მისი მდგომარეობა 2-დან 3-მდე ფასდებოდა, გუშინდელი შეფასებით კი ექვსამდე გაიზარდა.
ზურა ძალიან ყოჩაღია და აუცილებლად ყველაფერი კარგად იქნება! მადლობა ყველას გვერდში დგომისთვის.
საბუთები გვარდება და უახლოეს დღეებში გავფრინდებით“, – განაცხადა თამუნა ნიკოლაძემ.
ცნობისათვის, რამდენიმე დღის წინ გავრცელდა ინფორმაცია, რომ ზურა ბერიკაშვილს ჯანმრთელობის პრობლემები შეექმნა. გავრცელებული ცნობით, მას გული გაუჩერდა. ამის შესახებ ინფორმაცია მსახიობის დამ, მანანა ბერიკაშვილმა სოციალურ ქსელში გაავრცელა.
„ფორტუნა"