კულტურის პალატის პრეზიდენტის დავით ოქიტაშვილის განცხადებით, ყოფილი პრეზიდენტი ზუსტად თავისმა მეგობრებმა, იმ ადამიანებმა გაყიდეს, რომლებმაც იგი საქართველოში ჩამოიყვანეს. მისი თქმით, არჩევნები ჯერ არ ჩატარებულა და ოპოზიცია უკვე ამბობს არჩევნები გაყალბდაო.
„რამდენიც უნდა ვილაპარაკოთ „ნაციონალური მოძრაობა“ ასოცირდება ამ ადამიანთან და ხალხი სააკაშვილის გამო აძლევდა ხმას და მათ უღალატეს ამ ადამიანს. სააკაშვილი რატომ იყო ჩამოსული? სააკაშვილი ჩამოიყვანეს და მოატყუეს, რომ არჩევნების შედეგებზე მეორე დღეს უნდა გამოსულიყო, უნდა მისულიყო პარლამენტთან და ეთქვა, რომ ეს არჩევნები გაყალბდაო. რაც ამას მოჰყვებოდა, კარგად ვიცით. ესენი ამ სცენარისთვის უკვე ემზადებიან, რადგან არჩევნები ჯერ არ ჩატარებულა და უკვე იძახიან არჩევნები გაყალბდაო.
ერთი რამ ვიცი, რომ საქართველოს მოსახლეობა ამ ჯალათების ხელისუფლებაში დაბრუნებას არ დაუშვებს და ძალიან კარგია, რომ მიმართეს დამკვირვებლებს და უნდათ, რაც შეიძლება ბევრი დამკვირვებელი ჩამოვიდეს“, - აღნიშნა დავით ოქიტაშვილმა.