მე- 9 კლასელი გოგო ოჯახის შექმნის მიზნით 21 წლის ბიჭს გაჰყვა. სკოლაში კი მამა გამოცხადდა და ადმინისტრაციას ინფორმაცია მიაწოდა, რომ მისი არასრულწლოვანი შვილი  სწავლას ვეღარ გააგრძელებდა. ეს ყველაფერი თბილისის ერთ-ერთ საჯარო სკოლაში ხდება. სასწავლო დაწესებულებამ საქმეში პოლიცია ჩართო. მოზარდი სკოლაში 27 იანვრის შემდეგ აღარ დადის:  

"რომ არ დადიოდა დავურეკეთ მამას, მოვიკითხეთ. პირველ ჯერზე არ გვითხრა სიმართლე, მერე კიდევ მოვიკითხეთ, მოვიდა სკოლაში და დაწერა განცხადება, რომ ჩემი შვილი გათხოვდა. დავრეკეთ 112-ში. 14 წლის არის ბავშვი." ამბობს სკოლის წარმომადგენელი.

არსებული ინფორმაციით, 21 წლის ახალგაზრდას შემაკავებელი ორდერი გამოუწერეს, ხოლო სად არის ამჟამად მე-9 კლასის მოსწავლე გოგო, უცნობია.

თემის სენსიტიურობიდან გამომდინარე არ სახელდება ვინაობასა და სკოლა, სადაც მოზარდი სწავლობდა. 

საქართველოს კანონმდებლობით, მოზარდთან  სექსუალური შინაარსის ნებისმიერი ქმედება მკაცრად ისჯება.