საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ყვარელში წყალმომარაგება-წყალარინების სისტემების მშენებლობას ახორციელებს.

მიმდინარე სამუშაოებს გაერთიანებული წყალმომარაგების კომპანიის დირექტორი ალექსანდრე თევდორაძე, მისი მოადგილე, აკაკი მშვიდობაძე, სახელმწიფო რწმუნებული კახეთის მხარეში გიორგი ალადაშვილი, ყვარლის მერი გივი ზაუტაშვილი და კონტრაქტორი კომპანიის წარმომადგენლები ადგილზე გაეცნენ.

პროექტის ფარგლებში გათვალისწინებულია: წყალმომარაგების და წყალარინების ქსელის მშენებლობა, ახალი ჭაბურღილებისა და რეზერვუარების მოწყობა, პროექტის მიხედვით, ადგილზე მოეწყობა საფილტრი სადგური, სატუმბი სადგური და საქლორატოროები. სამუშაოებს კონტრაქტორი კომპანია „სს ფოლათ იოლ იაფი სანაიი ვე თიჯარეთ" ახორციელებს.

დღეის მდგომარეობით, სამუშაოების 70% უკვე შესრულებულია. პროექტის დასრულება 2024 წლის ბოლოს იგეგმება, რის შედეგადაც, ქ. ყვარლის მოსახლეობა 24 საათიანი, სტანდარტების შესაბამისი წყალმომარაგებით იქნება უზრუნველყოფილი.

ყვარელში ასევე, მიმდინარეობს პროექტი, რომელიც წყალარინების გამწმენდი ნაგებობის პროექტირება-მშენებლობას გულისხმობს.

პროექტს საქართველოს მთავრობის დაფინანსებით ჯამურად, 51 მლნ. ლარი მოხმარდება.