საპარლამენტო უმრავლესობაში „თბილისი პრაიდის“ გეგმებზე ისაუბრეს. კიდევ ერთხელ შეფასდა მმართველი გუნდის ინიციატივა, ლგბტ პროპაგანდის წინააღმდეგ. ასევე, „თბილისი პრაიდის“ ორგანიზებით ჩატარებულ სემინარზე განხილული თემები. მმართველი გუნდის წევრების თქმით, გეგმის ნაწილია, საზოგადოების შეცდომაში შეყვანა, ევროპული მომავლის საფრთხეზე ხაზგასმა და კანონპროექტის რუსულად გასაღება.
„თუ „თბილისი პრაიდი“ ორგანიზდება იმისთვის, რომ პროპაგანდას უწოდოს რუსული, ეს ნიშნავს, რომ ადამიანების და კონკრეტულად ლგბტ თემის წარმომადგენელთა უფლებები სათანადოდ არის დაცული. იქ, სადაც უფლებები არის დაცული და მათ პირიქით, ანუ პროპაგანდა, აგიტაცია და თავიანთი პოზიციის თავის მოხვევა სურთ საზოგადოებისთვის, რა თქმა უნდა, მაშინ მმართველი გუნდის განცხადება ამ პროპაგანდის წინააღმდეგ კონკრეტულ კანონპროექტთან დაკავშირებით სწორი და ლეგიტიმურია“, - აღნიშნა დეპუტატმა ნინო წილოსანმა.