ემზადება თუ არა ნიკა გვარამიას მიერ დაფუძნებული ტელეკომპანია ლგბტ პროპაგანდისთვის? მმართველი გუნდის მტკიცებით, "მთავარ არხს" შესაბამისი გრანტი უკვე დაუმტკიცდა. ამ ინფორმაციას არ ადასტურებს თავად ნიკა გვარამია, რომელიც აცხადებს, რომ ტელეკომპანიის მიერ მიღებულ გრანტს ლგბტ პროპაგანდასთან კავშირი არ აქვს.
თემის გააქტიურებაში პირველ რიგში მმართველ გუნდს ადანაშაულებს ოპოზიციონერი დეპუტატი, თეონა აქუბარდია.
"ერთ-ერთი ძალა არის "ქართული ოცნება", რომელიც ლგბტ პროპაგანდას წევს ამ ქვეყანაში. ძალიან სამწუხაროა, რომ ისინი ამ PR კამპანიით აპირებენ საარჩევნოდ შესვლას. აქ საუბარი არის პროპაგანდაზე და აქ საუბარი არის იერიშზე, მათ შორის, როგორც სამოქალაქო სექტორის, ასევე კრიტიკული მედია საშუალებების, თუ მათ შორის, დასავლელი დონორების წინააღმდეგ და ეს ამ შეთქმულების თეორიაში ძალია კარგად ზის", - განაცხადა თეონა აქუბარდიამ.