არსებობს თუ არა რეალურად რუსული აკუსტიკური იარაღი და იყენებდნენ თუ არა მას რუსი აგენტები საქართველოში ამერიკელი დიპლომატების მოსაწამლად?
მიუხედავად იმისა, რომ ამ კითხვებზე კონკრეტული პასუხი სამი გავლენიანი უცხოური მედიის მიერ ჩატარებულმა გამოძიებამ ვერ გასცა, ქართული ოპოზიციისთვის თემა საკუთარი ქვეყნის დადანაშაულების მორიგი მიზეზი ხდება.
მმართველ გუნდში ამბობენ, რომ არ არსებული მტკიცებულებების მიუხედავად, მათი ოპონენტები სასამართლოს შემდეგ ქვეყნის უსაფრთხოების სამსახურის დისკრედიტაციას ცდილობენ.
ოპოზიციის ნაწილი კი მიიჩნევს, რომ ე.წ. ჰავანურ სინდრომთან დაკავშირებით, განმარტება, პირველ რიგში, საქართველოს სპეცსამსახურებს უნდა გაეკეთებინათ.
"ოპოზიცია შანსს არ უშვებს ხელიდან, რომ საკუთარ ქვეყანას ავნოს. ამ საკითხზე აშშ-ის შესაბამისი სამსახურების კომენტარი უკვე იყო და ამაზე მეტი, მე არ ვიცი, რა შეიძლება ითქვას", - განაცხადა მაკა ბოჭორიშვილმა.