ბათუმის საკრებულოს „ნაცმოძრაობის“ წევრი რეზო ხარაზი გუშინ ბათუმში გამართულ აქციაზე მომიტინგეებს რევოლუციურ გეგმებზე ესაუბრა. განცხადება მან ევროპის მოედანზე სცენიდან გააკეთა. შეკრებილები „უცხოური გავლენის გამჭვირვალობის შესახებ“ კანონპროექტს აპროტესტებდნენ.

„ხანდახან ამბობენ, არ გვინდა ეს რევოლუცია, მაგრამ გვინდა ეგ რევოლუცია! ტვინებში გვინდა რევოლუცია და ზოგადად ყველაფერში გვინდა. უნდა გადავაბრუნოთ რა ეგენი!“ - მიმართა ხარაზმა შეკრებილებს.