რეზონანსი
12.09.2019

  ირაკლი ოქრუაშვილის თავისუფლებისთვის „გამარჯვებული საქართველოს" წევრები სასამართლოს და პროკურატურას 500 ათას ლარს სთავაზობენ. ამის შესახებ გურამ ჩალაგაშვილმა ბრიფინგზე განაცხადა.

„გვაქვს ინფორმაცია, რომ 20 ივნისს დაკავებულ რამდენიმე ადამიანზე მიმდინარეობს ზეწოლა, რომ მათ თავისუფლების სანაცვლოდ ირაკლი ოქრუაშვილის წინააღმდეგ მისცენ ჩვენება. ყველაფერი მიუთითებს იმაზე, რომ ეს არის ივანიშვილის პირადი დაინტერესება. ამის ნათელ მაგალითს ჩვენ ვნახავთ სასამართლო პროცესზე.

ჩვენ მივიღეთ გადაწყვეტილება, რომ სასამართლოს და პროკურატურას შევთავაზოთ მაღალი თანხა, 500 ათასი ლარის ოდენობით. მსგავსი თანხა გადახდილი აქვს მხოლოდ ბიზნესმენ ხაზარაძეს და ბატონ წერეთელს. ჩვენც ვთავაზობთ, რომ გადავიხადოთ ეს თანხა და გირაოთი გაათავისუფლონ ირაკლი ოქრუაშვილი", - განაცხადა „გამარჯვებული საქართველოს" ლიდერმა, გურამ ჩალაგაშვილმა.

შეგახსენებთ, ირაკლი ოქრუაშვილი 20 ივნისის მოვლენებთან დაკავშირებით ჯგუფური ძალადობისა და ხელმძღვანელობის ბრალდებით სისხლის სამართლის პასუხისგებაში მისცეს და ამჟამად, წინასწარ პატიმრობაში იმყოფება.

წყარო: პრაიმტაიმი

 

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×