რეზონანსი
02.12.2019

მცხეთის მერიასთან მომხდარი ფიზიკური დაპირისპირების შედეგად მოძრაობა "გაბედეს" ორი აქტივისტი დაშავდა. ცოტნე ვადაჭკორია და ლაშა დიაროვი თავისა და სახის მიდამოებში მიღებული დაზიანებებით მცხეთის საავადმყოფოში გადაიყვანეს.

ექიმის, თეა მესხიძის ინფორმაციით, მათი მდგომარეობა სტაბილურია და ამჟამად დამატებით გამოკვლევები უტარდებათ.

მოძრაობა "გაბედეს" წევრების ინფორმაციით, პოლიციას არ დაუკავებია ის პირი, ვინც აქტივისტებს ფიზიკური ზიანი მიაყენა.

შეგახსენებთ, რომ სამოქალაქო მოძრაობა "გაბედეს" წევრები მაჟორიტარ დეპუტატ დიმიტრი ხუნდაძეს ბიუროსთან მივიდნენ და მასთან შეხვედრას ითხოვდნენ, რა დროსაც მათ მცხეთის მერი, გიორგი კაპანაძე და "ქართული ოცნების" მხარდამჭერები დაუპირისპირდნენ.

დაპირისპირება ფიზიკურ და სიტყვიერ ურთიერთშეურაცხყოფაში გადაიზარდა, რის შედეგადაც პოლიციამ მოძრაობა "გაბედეს" 4 წევრი და "ქართული ოცნების" 3 მხარდამჭერი დააკავა.

ამ დროისთვის ყველა დაკავებული ხელწერილის საფუძველზეა გათავისუფლებული.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×