რეზონანსი
07.12.2019

(რეზონანსი) „არასდროს მივიღებ ისეთ გადაწყვეტილებას რომელიც პირველ რიგში ჩემთვის იქნება დამაზიანებელი" - ასე უპასუხა დედაქალაქის მერმა კახა კალაძემ ჟურნალისტების კითხვას, რომელიც სუს-ში თითქოსდა მის წინააღმდეგ დაწყებულ გამოძიებას უკავშირდება.

საუბარია „მთავარი არხის" ინფორმაციაზე, რომლის მიხედვითაც კახა კალაძის წინააღმდეგ სამხილების შეგროვებას საგამოძიებო უწყება სამშენებლო კომპანია „არქი ჯგუფსა" და „ქართული ოცნების" დეპუტატზე, ილია წულაიაზე გასვლით ცდილობს.

„სასაცილოა ახლა ეს. თქვენ როგორ ფიქრობთ, იდიოტის შთაბეჭდილებას ვტოვებ?! არ ვტოვებ. ამდენი წელია პოლიტიკაში ვარ და არასდროს მივიღებ ისეთ გადაწყვეტილებას რომელიც პირველ რიგში ჩემთვის იქნება დამაზიანებელი. რა კორუფციული გარიგებები? - ზღაპრებს ყვებით რაღაცას. სასაცილოა. ილია წულაიასთან ვმეგობრობ ბავშვობიდან. რა არის ამაში ცუდი?! მე არ მაქვს ინფორმაცია (16 მილიონის ქონების 1-ლარად გადაეცემაზე)"- აცხადებს კალაძე.

„მთავარი არხის" ინფორმაციით, იგეგმება დედაქალაქის მერის დადანაშაულება კორუფციულ გარიგებაში, რომლის დრისაც „არქის" 16 მილიონის ქონება 1-ლარად გადაეცა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×