საქართველოში ნებისმიერი სიმბარათის აქტივაციისას (მობილური ტელეფონის სიმბარათი) აბონენტი ვალდებულია მისთვის სასურველ კომპანიას პირადობის დამადასტურებელი მოწმობა წარუდგინოს, თუმცა რეალურად ძალიან ბევრ ქვეყანაში ამის საჭიროება არ არსებობს. ეს ქვეყნებია: ბელგია, გერმანია, პოლონეთი, ლიტვა, ლატვია, უკრაინა და თურქეთი. ამ ქვეყნებში სიმბარათის აღებას პირადობის მოწმობის გარეშეც შეძლებთ. საქართველოს მობილური კავშირგაბმულობის ოპერატორები კი ამას აუცილებლობად მიიჩნევენ და მიზეზებს სხვადასხვაგვარად ხსნიან.

მაია აბაიაძე

თბილისში ტურისტების სიმრავლე წელს განსაკუთრებით შეინიშნება. რუსთაველის გამზირზე (და არა მარტო) ზურგჩანთითა და ფოტოაპარატით ხელში უამრავ უცხოელს შეხვდებით. მათი უმრავლესობა "რეზონანსთან" საუბრისას აცხადებს, რომ საქართველო ძალიან მოსწონთ და თან ქვეყნისთვის დამახასიათებელი სუვენირები მიაქვთ. ამბობენ, რომ რაიმე სერიოზულ პრობლემებს არ აწყდებიან, თუმცა გარკვეული საკითხები მათ უხერხულობას უქმნის. ძირითადად ეს ენობრივ საკითხებს უკავშირდება.

თუ ბუნებამ კარგი გარეგნობა არ გარგუნა, მისი გამოსწორება ქირურგიული ჩარევით შეიძლება. ამ ფაქტს მამაკაცების ნაწილი ძალზე კრიტიკულად აღიქვამს და ასეთ ქალს "აწყობილსაც" კი უწოდებენ. ზოგიერთი კი სხეულის კორექციას დადებითად ეკიდება და ფიქრობს, რომ თუ საჭიროება მოითხოვს, აუცილებელიცაა, რომ გოგონამ გალამაზების ასეთ ხერხს მიმართოს. სხვები იმის გამო ღიზიანდებიან, როცა ქალები გადამეტებულად მიმართავენ პლასტიკურ ოპერაციას და "ცარიელი ბოტოქსები ხდებიან".

რუსეთში მინიმალური ხელფასი 5200 რუბლს, ანუ დაახლოებით 260 ლარს შეადგენს, აზერბაიჯანში - 93,5 მანათს, დაახლოებით 195 ლარს, სომხეთში მინიმალური ხელფასის მოცულობა 45 ათას დრამია (180 ლარი), უკრაინაში - 1218 გრივნა (243 ლარი), ბელორუსში - 1 395 000 ბელორუსული რუბლი (251 ლარი). საქართველოში კი მინიმალური ხელფასის ცნება საერთოდ არ არსებობს და როცა იყო, (2005 წლამდე) ის სულ რაღაც 20 ლარს შეადგენდა.

საქართველო ერთ-ერთი პირველია პოსტსაბჭოთა სივრცეში, სადაც საშემოსავლო და ქონებრივი დიფერენციაცია ყველაზე მაღალია. მოსახლეობის გარკვეული კატეგორიისთვის კომუნალური გადასახადების შემცირება გახდა ერთ-ერთი მიზეზი, რამაც შემოსავლების განაწილების უთანასწორობა ცოტათი მაინც გააქარწყლა. ქართველი სტატისტიკოსების შეფასებით, ეს ერთადერთი დადებითი ფაქტორია, რაც ბოლო დროს გამოიკვეთა, თუმცა ამით მდგომარეობის გაუმჯობესება არ იგრძნობა.

გარემოს დაცვის სამინისტრომ ჰაერის დაბინძურების მაჩვენებლის გასაუმჯობესებლად ახალი რეკომენდაციები შეიმუშავა. მთავარი აქცენტი ავტოტრანსპორტის ტექდათვალიერების აღდგენის საჭიროებაზე, საწვავის ხარისხის გაუმჯობესებასა და ავტოპარკის განახლებაზე გაკეთდა.

ქართველი სპეციალისტების განცხადებით, ალკოჰოლის, მეტწილად ღვინის, ზომიერად მიღებით (მაგალითად, სადილობისას 1 ჭიქა ღვინო), ჯანმრთელობას სარგებელსაც კი მოუტანს, მაგრამ, დღეს ადამიანებს დოზირების დაცვა უჭირთ, რაც საკმაოდ დიდი პრობლემის წინაშე გვაყენებს და გვაჩვევს ალკოჰოლს.

მთელ ევროპაში და მათ შორის საქართველოში არსებობს ტენდენცია, რომ ქალს ნაკლები ხელფასის ოდენობა ერიცხება, ვიდრე კაცს. მიზეზად ის მენტალური თავისებურებები სახელდება, რაც ქალბატონებს ახასიათებთ. საქართველოში გამოკითხულთა ნაწილი, ამ ფაქტს ადასტურებს, ზოგი კი უარყოფს და აცხადებს, რომ ანაზღაურება თანაბარი აქვთ. სტატისტიკური მონაცემების მიხედვით კი ირკვევა, რომ მამაკაცის შემოსავალი, ქალებისას აღემატება. პროცენტული მაჩვენებელი ყველა ქვეყანაში განსხვავებულია.

ახალი სასწავლო წლის დაწყებამდე 3 კვირით ადრე, განათლების სამინისტრომ ახალი, უფასო სახელმძღვანელოების ვარგისიანობის შეფასების წესები შეიმუშავა. წიგნები 15-ქულიანი სისტემით შეფასდება. სახელმძღვანელო, რომელიც 9 ქულაზე ნაკლებს მიიღებს, ხმარებიდან იქნება ამოღებული.

საქართველოში წელს ცივი ზაფხული დაფიქსირდა, თუმცა ანომალიურ ივლისს კლიმატის სპეციალისტები ბუნებრივი პროცესებით ხსნიან. "საქართველოს მწვანეთა მოძრაობის" თანათავმჯდომარე ნინო ჩხობაზე კი ამბობს, რომ ამინდის არაპროგნოზირებადი ცვლილებები და სეზონების უცნაური არეულობა გლობალური კლიმატის ცვლილებით არის განპირობებული და ახლო მომავალში, შესაძლოა, კიდევ უფრო ანომალიური პროცესები გამოვლინდეს.

თბილისის სავაჭრო ქსელში 2011 წელს გამოშვებული "მაგის" ბულიონის პაკეტები იყიდება. მართალია, ამ პროდუქტს საკმაოდ დიდი, 18 თვიანი ვარგისიანობის ვადა აქვს, მაგრამ ვადის გასვლიდან მთელი 10 თვის შემდეგაც სუპერმარკეტებში იყიდება.

ეგვიპტეში მიმდინარე პროცესების გამო, ტურისტებმა დასვენებისთვის ახალი ადგილის ძიება დაიწყეს. როგორც ქართულ ტურისტულ კომპანიებში ამბობენ, იმ დამსვენებლებმა, რომლებიც შვებულების გატარებას პირამიდების ქვეყანაში აპირებდნენ, თურქეთსა და ბულგარეთში გადმოინაცვლეს. თუმცა, ტურ-ოპერატორების ინფორმაციით, ქართველი დამსვენებლების ერთ ნაწილს რევოლუციური ეგვიპტის მიმართ ინტერესი ჯერ ისევ აქვთ.