რეზონანსი
02.12.2019

დღეს სასტუმრო „სტამბაში“ ფილმ „არენას“ პრემიერა გაიმართა. „არენა“ პირველი იტნერაქტიული კინო-თამაშია, რომლის რეჟისორიც დავით ბორჩხაძეა. ფილმის ოპერატორი კი ამერიკის კინოაკადემიის წევრი გიორგი შველიძეა. ფილმი JWT Metro-მ გადაიღო. 

ფილმს მთელი ზაფხულის განმავლობაში წყალტუბოში, ნატახტარსა და თბილისში იღებდნენ. 

ფილმში ცნობილ  სახეებთან და ქართველ მსახიობებთან ერთად ბრაზილიელი რივალდოც მონაწილეობს. მთავარ როლში გივიკო ბარათაშვილი და სლავა ნათენაძე არიან. ფილმში, ასევე, მონაწილეობენ: ჯამლეტ ხუხაშვილი, მარიტა ჯანაშია, ნანა შონია, აჩი არველაძე, სანდრო კაკულია, ქრისტინე იმედაძე, ანანო კეკელია, ლაშა ნამორაძე, ლევან მჭედლიძე, გიორგი ცინცაძე, ივანე ქურასბედიანი, ია მღებრიშვილი და სხვები. 

„არენა“ სათავგადასავლო ჟანრის კინო-თამაშია, რომელსაც მსოფლიოში ანალოგი არ მოეპოვება. მაყურებელი თავიდანვე ერთვება ფილმის სიუჟეტში და თვითონ ხდება ერთ-ერთი მთავარი გმირი. მაყურებელს ისე შეუძლია შეცვალოს სიუჟეტი და მართოს თამაში, როგორც სურს. 

ფილმისთვის ცნობილი მუსიკალური ნომრის „ტანგოს“ ადაპტაცია სტეფანემ შეასრულა. კინო-თამაშისთვის მუსიკალური თემების შექმნა და ხმის რეჟისურა Post Red-ს ეკუთვნის. 

„არენას“ ნახვა პრემიერის შემდეგ ყველასთვის ხელმისაწვდომი www.arena.ge-ზე იქნება. 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×