სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რა საფეხბურთო ილეთს ვერ აფასებს დღემდე ფეხბურთის გულშემატკივარი
    მამუკა ნაცვალაძე
    19.05.2016

     ლონდონის "ჩელსიში" ერთ-ერთი გამორჩეული ფეხბურთელი გოლკიპერი ტიბო კურტუაა, რომელმაც ჯერ კიდევ ორი წლის წინ მადრიდის "ატლეტიკოს" შემადგენლობაში ჩემპიონთა ლიგაზე თამაშისას მიიქცია ფეხბურთის სპეციალისტთა და გულშემატკივართა ყურადღება.

    "ჩელსის" ფეხბურთელი ესპანეურ გუნდში იჯარის წესით ირიცხებოდა, ამდენად, გასაკვირი არ იყო, როცა მომდევნო სეზონისას ლონდონელებმა ბელგიელის დაბრუნება ისურვეს. ახლახანდასრულებულ პრემიერლიგაში "ჩელსის" წარუმატებელი გამოსვლის მიუხედავად კურტუა კვლავაც პოპულარულობით სარგებლობს. კლუბის ოფიციალურმა საიტმა გამოაქვეყნა ინტერვიუ ბელგიელ მეკარესთან, რომელიც ბევრ საგულისხმო და საინტერესო ამბავს იხსენებს.

    ტიბო კურტუა: ოთხი წლის ასაკიდან ვთამაშობ ფეხბურთს. ჩემი საუკეთესო პარტნიორი ჩემი ძმა იყო, რომელიც ჩემზე 2 წლით უფროსია. როცა ის შეიყვანეს ფეხბურთზე, მე და ჩემ თანატოლებს გვქონდა შესაძლებლობა მას შევერთებოდით.

    - როდის გადაწყვიტე კარში დადგომა?

    ტ.კ: თავიდან მცველის პოზიციაზე, მარჯვენა ფლანგზე ვთამაშობდი, კარში კი თერთმეტი წლის ასაკში ჩავდექი, რვიდან ათი წლის ასაკამდე გუნდში ერთგვარი როტაცია იყო დანერგილი, რაც გულისხმობდა იმას, რომ ნებისმიერ ჩვენგანს უწევდა კარში დოგმა. როგორც ჩანს, ამ პროცესისას დაინახეს ჩემი შესაძლებლობები და ამის შესაბამისად შეიცვალა ჩემი სათამაშო ამპლუაც.

    - განსაკუთრებულად რომელ საფეხბურთო კომპონენტზე გიწევდა მუშაობა ბავშვობისას?

    ტ.კ: როცა "გენკში" გამოვდიოდი, განსაკუთრებული ყურადღება ექცეოდა მეკარეთა საფეხბურთო ტექნიკას, სწორედ იქ მასწავლეს საჯარიმო მოედნიდან გამოსვლა. მეკარისათვის ასევე მნიშვნელოვნია დახვეწიოლად ფლობდეს ბურთის დაჭერის ილეთებს, სხვადასხვა პოზიციების შერჩევას.

    - ტექნიკური თვალსაზრისით ვინ მოახდინა თქვენზე გამორჩეული შთაბეჭდილება?

    ტ.კ: ვილიანმა და ედერმა. ისინი საწვრთნელი ვარჯიშებისას შესანიშნავ სპექტაკლებს დგამენ. მათი ოსტატობა კარგად ჩანს ასევე ოფიციალური თამაშებისას.

    - დაასახელეთ ის ტექნიკური ფეხბურთელები, რომელთა წინააღმდეგ გითამაშიათ და რომელნიც "ჩელსიში" არ ირიცხებიან.

    ტ.კ: მე მითამაშია რონალდუს, ლიონელ მესის, ნეიმარის წინააღმდეგ. ამ ფეხბურთელებს მართლაც უბრწყინვალესი ტექნიკა აქვთ. ბელგიელთაგან კი ედენ აზარსა და კევინ დე ბრიუნეს გამოვარჩევ.

    - როგორ ფიქრობ, რომელი ტექნიკური ელემენტია ფეხბურთში დაუფასებელი?

    ტ.კ: მეკარისაათვის ეს გამოსვლებზე თამაშია, როცა ის საჯარიმო მოედნის მიჯნაზე თამაშობს. შეიძლება ვიფიქროთ, რომ ეს იოლი გასაკეთებელია. არადა ეს ასე არაა. ამის ალტერნატივაა ადგილზე დარჩენა და იმაზე ზრუნვა, რომ სახიფათოდ დარტყმული ბურთი მოიგერიოს, არადა ხშირ შემთხვევაში სჯობს საქმე დარტყმამდე არ მივიდეს და მეკარემ გამოსვლაზე ითამაშოს, თუნდაც საჯარიმო მოედნის მიჯნაზე. ამ გარჯას ხშირად ვერ აფასებს გულშემატკივარი.

    - როგორი განცდაა, როცა თამაშისას იმეორებ იმ ელემენტებს, რომელზედაც დიდი ხნის განმავლობაში საგულდაგულო მუშაობა გიწევს?

    ტ.კ: ეს ფანტასტიური განცდაა, ეს არა მარტო მეკარეებს გვეხება... როცა ფეხბურთელები ერთსადაიმავე პოზიციიდან ამუშავებენ ტექნიკურ დარტყმებს, მათი მოედანზე გადატანა და წარმატებით გამოყენება მართლაც უდიდესი სიამოვნებაა, განსაკუთრებით მძაფრდება ეს განცდა, თუკი გოლი გადის ასეთი დარტყმებიდან.

    - შენი კარიერიდან რომელიმე "სეივს" ხომ არ გამოარჩევ?

    ტ.კ: კარგი ეპიზოდები მრავლად იყო, ზოგიერთი მათგანი ესთეტიური სილამაზით გამოირჩეოდა, ზოგიერთი კი უფრო მნიშვნელოვანი იყო თამაშის სტატუსიდან გამომდინარე. კონკრეტულ "სეივს" ვერ გამოვარჩევ.

    - რა რჩევას მისცემდი ახალგაზრდა ჭაბუკებს, ბავშვებს რომლებიც ახლა იწყებენ საფეხბურთო კარიერას? რომელ საფეხბურთო კომპონენტზე მართებთ გამორჩეული გულმოდგინებით მუშაობა?

    ტ.კ: უმნიშვნელოვანესია მთელი გულითა და თავდადებით ვარჯიში, ისინი არასდოს უნდა იყვნენ კმაყოფილნი, თუკი რაიმე არ გამოსდით. მათ უნდა აირჩიონ რთული ილეთები, რაზეც განსაკუთრებულად უნდა იმუშაონ, მეკარისთვის მნიშვნელოვანია ფეხით და ხელით მუშაობის ტექნიკის დახვეწა, ასევე ის, რომ დაუჯერონ საკუთარ მწვრთნელებს და პედანტურად შეასრულონ მისი მითითებები.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved
    ×