სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    "რამდენიმე დღე ოჯახთან ერთად უნდა გაატარო და ფეხბურთზე არ იფიქრო, შემდეგ კი ფინალისთვის მზადებას დაუბრუნდე"
    მარი მგალობლიშვილი
    20.05.2016

     მადრიდის "რეალს" 28 მაისს მილანში სეზონის ყველაზე მნიშვნელოვანი მატჩი ელის. "სამეფო კლუბი" ჩემპიონთა ლიგის ფინალში ასევე მადრიდის კლუბ "ატლეტიკოს" წინააღმდეგ ითამაშებს. ზინედინ ზიდანის შეგირდები შეეცდებიან, 2013 წლის ფინალი გაიმეორონ და თანაქალაქელები დაამარცხონ. ფინალამდე გუნდის მთავარმა მწვრთნელმა ზინედინ ზიდანმა ისაუბრა, თუ როგორ ემზადება "რეალი" ფინალისთვის, როგორ ფორმაში არიან ფეხბურთელები და თავის მომავალზე.

    - გუნდი დაისვენებს ჩემპიონთა ლიგის ფინალის წინ?

    ზინედინ ზიდანი: გაგვიმართლა, რომ ფინალში ვართ და ახლა კარგად უნდა დავისვენოთ, რათა დარჩენილი დღეები მატჩისთვის მომზადებას დავუთმოთ. იმედგაცრუებულები ვართ, რადგან ჩვენი მთელი ძალისხმევა ამაო გამოდგა, მაგრამ სეზონის ბოლო მატჩზე ვფიქრობთ.

    ახლა დასვენება ძალიან მნიშვნელოვანია. რამდენიმე დღე ოჯახთან ერთად უნდა გაატარო და ფეხბურთზე არ იფიქრო, შემდეგ კი ფინალისთვის მზადებას დაუბრუნდე.

    - რონალდუ და ბეილი როგორ ფორმაში არიან?

    ზ.ზ: კრიშტიანუმ ფეხზე მტკივნეული დარტყმა მიიღო. რაც შეეხება ბეილს, მან ლა ლიგას ბოლო თამაში მარჯვენა ფლანგზე დაიწყო, შემდეგ მარცხენაზე გადაინაცვლა. ის და რონალდუ პოზიციებს ხშირად იცვლიან. თუმცა, ბეილი თავს უფრო კომფორტულად მარჯვნივ გრძნობს.

    - ხამესზე რას იტყვით?

    ზ.ზ: ყველა ფეხბურთელისადმი მომთხოვნი ვარ და ხამესიც იმას აკეთებს, რასაც ვთხოვ. ჩემს განკარგულებაში 23 ფეხბურთელია და საბოლოო ჯამში გადაწყვეტილების მიღება მე მიწევს. თქვენ ხამესზე ან ისკოზე მუდამ საუბრობთ, მაგრამ არჩევანის გაკეთება 23 ფეხბურთელს შორის მიწევს.

    ხამესში ბევრი თვისების დანახვა მსურს, მაგრამ თერთმეტი ფეხბურთელი უნდა შევარჩიო. მისი მუშაობით კმაყოფილი ვარ და მეტს ვერ მოვთხოვ, რადგან ის მუდამ ბოლომდე იხარჯება, როცა მოედანზე გადის. ეს იმაზე მეტყველებს, რომ კოლუმბიელი საქმეს პროფესიულად უდგება.

    - მომზადების გეგმა როგორია?

    ზ.ზ: გუნდი დაისვენებს, რადგან ეს აუცილებლად ესაჭიროება. ფინალისთვის მოსამზადებლად დრო კიდევ გვაქვს. თავდაუზოგავად ვიმუშავებთ, რადგან საუკეთესო ფორმაში უნდა ვიყოთ.

    - ტიტულების მოგების შანსზე რას იტყვით?

    ზ.ზ: ამაზე ვოცნებობდი და კლუბში დიდი დრო გავატარე. პრეზიდენტმა ამ გუნდის გაწვრთნის საშუალება მომცა. მსურს, ჩემი სამუშაო კარგად შევასრულო და მადრიდელებს ტიტულები მოვაგებინო.

    ამ ოთხი თვის განმავლობაში ბევრი ახალი რამ ვისწავლე. ეს იგივე არ არის, რომ სეგუნდაში მოასპარეზე გუნდის მწვრთნელი იყო. ეს მომწონს და ძალიან ბედნიერი ვარ.

    - თქვენი მომავალი გარკვეულია?

    ზ.ზ: არ ვიცი, შევინარჩუნებ თუ არა თანამდებობას. ჩემთვის მთავარი სამუშაოა, რომელსაც შესანიშნავ შეგირდებთან ერთად ვასრულებ. ბევრი ეჭვის თვალით მიყურებდა და ეს გასაგებია კიდეც. მე არაფერი მომიგია, რათა იფიქროთ, რომ ვრჩები. წინ ორი ფინალი გვაქვს. სამუშაო, რომელიც დღემდე შესრულდა, ფენომენალურია. ხვალ პირველი ფინალის შედეგს გავიგებთ.

    - როგორც მწვრთნელი, რამდენად გაიზარდეთ?

    ზ.ზ: ეს დონე ნიშნავს იმას, რომ ყოველ სამ დღეში მნიშვნელოვანი მატჩები ჩაატარო. თავიდან არცთუ ისე იოლი იყო, რადგან ბევრი ზეწოლაა. ის ახლაც არსებობს, მაგრამ ყოველდღიურად ვუმჯობესდები და თავს უფრო დაცულად ვგრძნობ.

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2019 by Resonance ltd. . All rights reserved