ექიმი ლევან ჭელიძე გუდაურში მომხდარ ტრაგედიას ეხმიანება და წერილს ავრცელებს. ირკვევა, რომ რამდენიმე დღის წინ თვითონაც მგზავრობდა სწორედ იმ ვერტმფრენით, რომელმაც ავიაკატასტროფა განიცადა.
„გუდაურში მომხდარმა ტრაგედიამ მთელი საქართველო შეძრა. კატასტროფა განიცადა ვერტმფრენმა, სადაც პარაპლანისტების დასახმარებლად წასული მფრინავები, მაშველები და ექიმები ისხდნენ. მომხდარი უბედურების შემდეგ, ბოლო დაახლოებით საათნახევრის განმავლობაში რამდენიმე ასეული ზარი და SMS შემოვიდა ჩემს ტელეფონზე. Პირველი სიტყვები რაც მოვისმინე იყო: "ცოცხალი ხარ?", "რადგან შენი ხმა გავიგე" და ასე შემდეგ...
პირველი რაც მინდა ვთქვა ზოგადად მომხდარი ფაქტის შემდეგ: მნიშვნელობა არ აქვს ვინ იჯდა, ან ვინ ვიჯდებოდით იქ, მე ვიჯექი თუ ჩემი მეგობრები და კოლეგები, უბრალოდ დღეს მე და ზოგიერთ ჩემს მეგობარს გაგვიმართლა, სამწუხაროდ, გიორგის და ქეთის - არა.
ძალიან მტკივა ეს ყველაფერი, სიტყვებით ვერასოდეს გადმოსცემ რა გრძნობაა როცა შენს სიცოცხლეს საფრთხე ემუქრება. მტკივა, მაგრამ ამაყი ვარ ჩემი მეგობრებით, ვინც ყველაზე ძვირფასი გასცა საკუთარი პროფესიული ვალის, ადამიანის სიყვარულის და სიცოცხლის გადარჩენის სურვილის უზენაესი წყურვილით, მათ დათმეს სიცოცხლე, იმ მუნდირისთვის, რომელსაც ღირსეულად ატარებდნენ დღემდე და ამ საამაყო მუნდირით წავიდნენ სამუდამოდ ჩვენგან.
რამდენიმე დღის წინ მე ვიჯექი იმ ვერტმფრენში, ზუსტად ისე დაუფიქრებლად და უყოყმანოდ, როგორც დღეს გიორგი და ქეთი, ზუსტად ისე დავჯდები ხვალ, ზეგ, მაზეგ და ყოველთვის როცა და სადაც საჭირო ვიქნები მე როგორც ექიმი ან ადამიანი.
კიდევ ერთხელ ქედს ვიხრი პროფესიული მოვალეობის შესრულებისას დაღუპული ყველა ჩემი კოლეგის და მეგობრის წინაშე, მეამაყებით, მადლობა თქვენ, მადლობა", - წერს ლევან ჭელიძე
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე