საბერძნეთში მცხოვრები ქართველი ახალგაზრდა, გიორგი ჯანელიძე ტრაგიკულად დაიღუპა. მას საბერძნეთში იცნობდნენ, როგორც "ტიკტოკერს", სახელად Tzane. გიორგი 2011 წლიდან ცხოვრობდა საბერძნეთში, მშობლებთან ერთად.
ბერძნული მედიის ინფორმაციით, ჯანელიძე იტალიაში 5-კაციან ჯგუფთან ერთად, ფილმის გადასაღებად იმყოფებოდა. ე.წ. მოჩვენებათა სოფელს ესტუმრა და მისი ვიზიტი ტრაგიკული აღმოჩნდა.
რა ვითარებაში გარდაიცვალა ის, დაზუსტებით ცნობილი არ არის, თუმცა ზოგიერთი მედიასაშუალება წერს, რომ ის აივნიდან გადმოვარდნის შედეგად გარდაიცვალა. გავრცელებული ინფორმაციით, გიორგი მაშინ გადმოვარდა, როცა ვიდეოს იღებდა. მას ფეხი დაუცდა.
"21 წლის ასაკში იცნობდა მთელი საბერძნეთი, უამრავი გამომწერი ჰყავდა, დოკუმენტური ფილმის გადასაღებად იყვნენ წასულები, 5-კაციანი ჯგუფი. საქართველოში კარგა ხანია არ ყოფილა. სექტემბერში იღებდა მუდმივ მოქალაქეობას, საბერძნეთის სახელით ჭიდაობდა კიდეც. კარგი შედეგები ჰქონდა. თურქეთშიც ყოფილან დოკუმენტური ფილმის გადასაღებად. ახლა იტალიაში იყვნენ", - ამბობს მისი ახლობელი.
Reggio di Calabria - ასე ჰქვია იტალიის მიტოვებულ სოფელს, სადაც ტრაგიკული შემთხვევა მოხდა. სოფელი ხალხისგან 1971 წელს სრულად დაიცალა, რადგან აქ ხშირად ხდებოდა მიწისძვრები და წყალდიდოებები. ამიტომაც ხალხმა "უვარგის" ადგილად მიიჩნია.
ambebi.ge
ვიდეო რეკლამა
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე