(რეზონანსი) სოციალური ქსელის მომხმარებელმა ნინო ახობაძემ კომენტარების ათეული შეადგინა, რომელიც ქალს ფოტოზე არ უნდა დაუწეროთ:

„ხომ არის: "100 წიგნი, რომელიც უნდა წაიკითხო სანამ ცოცხალი ხარ", "100 ფილმი" და ა.შ.

ახლა მე ჩამოვწერ 10 კომენტარს, რომელიც არ უნდა დაუწერო ქალს ფოტოზე, "სანამ ცოცხალი ხარ" კი არა-თუ ეს ადამიანი მართლა გიყვარს:

1) "ვერ გიცანი, რა კარგად გამოიყურები, სუპერ"!

2) "ვაიმეე რაც დრო გადის, როგორ ემსგავსები დედას, ლუიზა დეიდა მეგონე" (ლუიზა-პირობითია)

3) "აქ რა გამხდარი ხაარ" (ამას ჯობია პირდაპირ-"შენი დედა მოვ****ნ" დაუწეროთ, უფრო ადვილი გადასატანია;

4) "ქალღმერთი ხარ რაა" (ეს-მინიმუმ უხერხულია)

5) "ჩემი მონიკაააა"

6) ფოტო ღვთისმშობლით, რომელსაც ხელებში უჭირავს წარწერა:-"დაგლოცოს გამჩენმა"

7) "ეს კაბა მახსოვს, ჩემ ქორწილშიც ეს გეცვა" (დამიჯერეთ, მინახავს ასეთი კომენტარიც....)

8) მკვდრის ბუკეტი, რომელსაც თავზე აწერია: "მიკაქააალ"

9) "არ მოგიტაცონ გოგოო" (ეს სასაცილოა. მითუმეტეს, თუ "გოგო" ზა პიისიატ არი)

და 10) ეს ყველაზე ალალი, მართალი და გულიდან წამოსული კომენტარია, თუმცა უტაქტობაში გადის და ამიტომ

ნურც ამას დაწერთ, უბრალოდ გაიფიქრეთ:

ჰოდა 10) "ვაიმეე რათ შეგვჭამე ქალოოო, დღეში შენი ასი სელფით და ფოტოებით, ვაა"

ნუუ, თუ მაინდამაინც.... მაშინ ამის ნაცვლად შეგიძლიათ დაწეროთ მე-5.

(მადლობა საჭირო არ არი, ვიცი რო გაგიხარდათ ეს პოსტი, განსაკუთრებით მესამე პუნქტის ავტორებს" - წერს ნინო ახობაძე.