აშშ-ის შუამავლობით მიღწეული სამშვიდობო შეთანხმებისა და „ტრამპის მარშრუტის" ფარგლებში ვიცე-პრეზიდენტი ჯეი დი ვენსი ერევანსა და ბაქოს ეწვია. აშშ-მა და სომხეთმა ბირთვული ენერგიის მშვიდობიანი მიზნებისთვის გამოყენების შესახებ შეთანხმება გააფორმეს, ბაქოში ვენსი ვიზიტისას კი აშშ-მა და აზერბაიჯანმა სტრატეგიული პარტნიორობის ქარტიას მოაწერეს ხელი.

13-15 თებერვლის მიუნხენის უსაფრთხოების კონფერენციაზე საქართველო წარმოდგენილი იქნება, შარშანდელისგან განსხვავებით, მთავრობამ მოწვევა მიიღო. უკვე ცნობილია, რომ პრემიერი ირაკლი კობახიძე მიუნხენში არ გაემგზავრება. დიდი ალბათობით, ქართულ დელეგაციას საგარეო საქმეთა მინისტრი მაკა ბოჭორიშვილი უხელმძღვანელებს.

ახლოვდება ელექტროენერგიის ტარიფების დადგენის თარიღი. სემეკის თავმჯდომარის განცხადებით, ტარიფებზე მსჯელობა მარტიდან განახლდება, რაც შესაძლოა, იმის დამადასტურებელი იყოს, რომ ელექტროენერგიის გადასახადი ამჯერად შესაძლოა, მართლაც გაძვირდეს.  დეკემბრის ბოლოს, გაურკვევლობის გამო, მარეგულირებელმა კომისიამ დროებითი ტარიფები დაადგინა, რომელიც მარტის ბოლომდე მოქმედებს. დათქმული თარიღიც ახლოვდება. 

ევროკავშირში უკრაინის გზაზე შესაძლოა ისტორიული შუალედური ნაბიჯი გადაიდგას. გამოცემა „პოლიტიკოს" ინფორმაციით, ბრიუსელი განიხილავს უპრეცედენტო მოდელს, რომელიც კიევს ევროკავშირში სრულუფლებიან წევრობამდე ნაწილობრივ ინტეგრაციის საშალებას უკვე მომავალ წელს მისცემს. პარალელურად, გეგმა პოლიტიკურ წინააღმდეგობასაც აწყდება - უნგრეთის ვეტოს რისკიდან ტრამპის შესაძლო გავლენამდე.

ევროკავშირი რუსეთის წინააღმდეგ სანქციების მე-20 პაკეტის ფარგლებში საქართველოში, ყულევის პორტის დასანქცირებასაც გეგმავს. თუმცა ვერსიაში ევროკავშირის წევრი ამა თუ იმ ქვეყნის მოთხოვნით რაღაცეები შეიძლება შეიცვალოს. რას ნიშნავს თვითონ ის ფაქტი, რომ ყულევის პორტი სანქციების დოკუმენტის ამ საწყის ვერსიაში მოხვდა და დაბლოკავს თუ არა უნგრეთი ამ ვერსიას?

თსუ-სა და სტუ-ს გაერთიანების ინიციატივის გარშემო დაწყებული მწვავე აკადემიური და საზოგადოებრივი დისკუსიის შემდეგ, ხელისუფლებამ რეფორმის ფორმატი შეცვალა და ტექნიკური უნივერსიტეტის „წმინდა ტექნიკურ" სასწავლებლად გარდაქმნის მოდელი აირჩია. რა გახდა გადაწყვეტილების გადახედვის მთავარი მიზეზი და როგორ შეიცვლება ამ გადაწყვეტილებით სტუდენტების მიღება, პროგრამები და უნივერსიტეტებს შორის ფუნქციების გადანაწილება

ოპოზიციური პარტიების ახალი ერთობის ფორმირებაზე მუშაობა, სავარაუდოდ, ჩავარდა. ამაზე ჯერ კიდევ იანვრის შუა რიცხვებიდან მიდიოდა საუბარი, ხოლო „კოალიცია ცვლილებებისთვის" ერთ-ერთი ლიდერის, ზურა ჯაფარიძის ციხიდან გამოსვლის შემდეგ უკვე შესაბამისი კონსულტაციებიც დაიწყო. კეთდებოდა განცხადებები, რომ ერთობაში შევიდოდა 8 ოპოზიციური პარტია და შემუშავდებოდა შესაბამისი ერთობლივი დოკუმენტიც, რასაც 2-3 კვირა დასჭირდებოდა.

საქართველოს ტექნიკური უნივერსიტეტი თბილისის სახელმწიფო უნივერსიტეტთან აღარ გაერთიანდება, თუმცა, უმაღლესი განათლების კონცეფციის თვალსაზრისით არაფერი იცვლება, რომლის ფარგლებშიც, "ერთი ქალაქი ერთი ფაკულტეტის" პრინციპის შესაბამისად, სტუ გარდაიქმნება წმინდა ტექნიკურ უნივერსიტეტად.

"ქართული ოცნება" აშშ-სთან პარტიორობის განახლების კუთხით გრძელვადიანი მოთმინების რეჟიმში გადადის. პრეზიდენტ მიხეილ ყაველაშვილისა და აშშ-ს ადმინისტრაციის მაღალჩინოსნების შეხვედრის შემდეგ მმართველ პარტიაში ალაპარაკდნენ იმაზე, რომ ურთიერთობის გამოსწორება ძალიან რთული და ხანგრძლივი პროცესი იქნება.

ევროპის კორუფციის ყველაზე დაბალი მაჩვენებლის მქონე ქვეყნების სამეულში მოხვედრა - ასეთ ამბიციურ მიზანს ასახელებს საქართველოს ხელისუფლება. პრემიერ-მინისტრ ირაკლი კობახიძის განცხადებით, მთავრობა უკვე მიღებულ გადაწყვეტილებებსა და გამჭვირვალობის გაძლიერებაზე აკეთებს აქცენტს, პარალელურად კი საუბრობს სახელმწიფო ინსტიტუტების ერთიანობაზე, „გარე ზეწოლის" წინააღმდეგობაზე და ქვეყნის „თავსმოხვეული პოლარიზაციისგან" გათავისუფლების აუცილებლობაზე.

ქვეყანაში კვლავ პროტესტია, ბოლო პერიოდში რამდენჯერმე მარშიც შედგა, თუმცა, ოპოზიციონერი ლიდერები კვლავ თავს იკავებენ და არ აქტიურობენ ისე, როგორც ადრე. ანალიტიკოსთა ნაწილი არ გამორიცხავს, დადგეს დრო და წინა პლანზე პოლიტიკოსები ვიხილოთ, ნაწილს კი მიაჩნია, რომ უკვე ოპოზიციური პარტიების საქმიანობა აქციების ბედ-იღბალზე თითქმის გავლენას არ ახდენს და პროტესტანტები მათ ლიდერებს ასპარეზს არ დაუთმობენ.

„სამუშაო სიღარიბის დონე“ საქართველოში ათჯერ შემცირდა. ასეთია შრომის საერთაშორისო ორგანიზაცია შეფასება. პარალელურად, საქართველოს პრემიერ-მინისტრის ირაკლი კობახიძის მთავარი ამოცანა სიღარიბის მთლიანად აღმოფხვრაა. ამისთვის რამდენიმე წელიწადი დაგვჭირდება იმ ტემპების გათვალისწინებით, რაც ქვეყანას მშპ-ს ზრდის კუთხით აქვს. ეკონომისტებიც ფიქრობენ, რომ სიღარიბის სრულად აღმოფხვრა აბსოლუტურად შესაძლებელია, თანაც იმ პროგრესის გათვალისწინებით, რაც ბოლო წლებში გვაქვს საქართველოში და სავარაუდო დროსაც ასახელებენ.

ქართულ სამომხმარებლო ბაზარზე კარტელური გარიგებებისა არსებობა მთავრობამ, ფაქტობრივად, დაადასტურა. ქვეყნის პრემიერ-მინისტრის განცხადება, რომ ამ საკითხით დაინტერესდნენ, იძლევა საფუძველს, რომ ხელისუფლება კარტელებთან ბრძოლას დაიწყებს და ფასების კლების რეალური შესაძლებლობა გაჩნდება. განსაკუთრებით ეს ეხება მედიკამენტებისა და სურსათის ფასებს. მართალია, ამ მიმართულებით ბოლო წლებში საწვავის ბაზარზე არსებული მდგომარეობა გაუმჯობესდა, თუმცა სპეციალისტები კარტელის ნიშნებს ამ სეგმენტშიც ხედავენ.

ანაზღაურების საკითხი საქართველოს შრომით ბაზარზე კვლავ გამოწვევად რჩება. საჯარო სექტორისაგან განსხვავებით, სადაც ხელფასები კანონმდებლობის შესაბამისად ყოველწლიურად 10%-ით იზრდება, კერძო სექტორში, რთული მდგომარეობაა. 2024 წელს ანაზღაურება რაღაც დონემდე გაიზარდა და მას შემდეგ პროცესი საგრძნობლად შენელდა. პარალელურად კი, ქვეყანაში ინფლაცია მზარდია. წელსაც მისი მაჩვენებელი მაღალია და ხალხი სიძვირეს უჩივის. 

სახელმწიფო ბანკის შექმნით კომერციულ ბანკებს სერიოზული კონკურენტი გაუჩნდება, რამაც შესაძლოა, დაკრედიტების პოლიტიკა შეცვალოს. როგორც ცნობილია, მთავრობა სახელმწიფო ბანკის შექმნაზე მუშაობას გეგმავს. მისი მთავარი მიზანი იაფ რესურსზე ხელმისაწვდომობის ზრდაა, თუმცა კონკრეტულად რა ფორმით შეეცდებიან ამას, ჯერჯერობით დეტალები უცნობია. სპეციალისტები ფიქრობენ, რომ სახელმწიფო ბანკში თანხის გარკვეული ნაწილი შეიძლება აკუმულირდეს იმ კომპანიებიდან, რომლებსაც დეპოზიტები კომერციულ ბანკებში აქვთ განთავსებული. ნაწილი ბიუჯეტიდან, ასევე საპენსიო ფონდის მეშვეობითაც.

რა ბერკეტი გააჩნია სახელმწიფოს იმისთვის, რომ საკუთარი მოქალაქეები მედიკამენტების გაძვირებისა და ხელოვნური დეფიციტისგან დაიცვას? იცოდით, რომ გარკვეულ მედიკამენტებზე დეფიციტი ხელოვნურად იქმნება, რადგან სხვა გაიყიდოს? ჯანდაცვის მინისტრის, მიხეილ სარჯველაძის განცხადებით, ამ პრობლემის მოსაგვარებლად, საჭიროა ესენციური (აუცილებლად საჭირო ნუსხა) მედიკამენტები განისაზღვროს, რომლებიც აუცილებლად უნდა იყოს აფთიაქებში. რაც შეეხება დარგის სპეციალისტებს, აქ აზრი ორად იყოფა: ნაწილი მიიჩნევს, რომ სახელმწიფომ მკაცრად უნდა გააკონტროლოს სააფთიაქო ბიზნესი, ხოლო მეორე ნაწილი ამ პრობლემის გადაჭრის ერთადერთ გზას ყოვლისმომცველ ფარმაცევტულ რეფორმაში ხედავს. 

ორშაბათიდან კვერცხის ფასი 5%-ით შემცირებაზე მეფრინველეობის სექტორის კომპანიების განცხადება, რაც პრემიერთან შეხვედრის შემდეგ მიიღეს, უმალ გახდა საზოგადოების განხილვის და ხშირ შემთხვევაში ქილიკის საგანი. მთავრობის მიერ დიდი რიხით დაწყებული კამპანიის შედეგად ჯერ მხოლოდ ეს, რბილად რომ ვთქვათ, მოკრძალებული შედეგი დადგა, რაც იწვევს ოპონენტების კრიტიკას, უბრალო ხალხის მხრიდან კი სარკაზმს. მმართველი გუნდი ამას სურსათზე ფასების კლების პოლიტიკის დადებით შედეგად აფასებს, მაშინ როცა ოპოზიცია ამტკიცებს, რომ ფასის შემცირება ბაზრის ბუნებრივი პროცესით არა, არამედ ადმინისტრაციული ზეწოლის შედეგად მოხდა

აშშ-ის პრეზიდენტის, დონალდ ტრამპის განცხადებით, აპრილში ჩინეთში ჩასვლას გეგმავს, წლის ბოლოს კი თეთრ სახლში ჩინეთის ლიდერ სი ძინპინს უმასპინძლებს. „მე იქ აპრილში მივდივარ, ის კი წლის ბოლოსკენ ჩამოვა. ის თეთრ სახლში მოდის, დიახ, წლის ბოლოსკენ", - აღნიშნა ტრამპმა NBC News-თან ინტერვიუში.

თუ ევროპა რუსეთს თავს დაესხმება, ის არა სპეციალურ სამხედრო ოპერაციას, არამედ სრულმასშტაბიან სამხედრო პასუხს მიიღებს, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. მისი მტკიცებით, რუსეთი უკრაინაში „სპეციალურ სამხედრო ოპერაციას" ატარებს და ევროპაზე თავდასხმის განზრახვა არ აქვს.