კორონავირუსულ პანდემიას მსოფლიო უკვე წელიწადნახევარია ებრძვის და დღეის მდგომარეობით, ინფიცირების ყველაზე მეტი შემთხვევები აშშ-ში, ინდოეთსა და ბრაზილიაშია. რაც შეეხება საქართველოს, მესამე ტალღა დაძლეულია, თუმცა, ინფიცირებულთა ყოველდღიური მაჩვენებელი 800-ის ფარგლებშია. კრიტიკულ ნიშნულზეა ლეტალობაც - ანალიტიოკოსების აზრით მდგომარეობა სტაბილურია, თუმცა საყურადრებოა და მოდუნების საშუალებას არ გვაძლევს.

7 თვიანი ბოიკოტის შემდეგ მე-10 მოწვევის პარლამენტი სრული სახით მუშაობას განაგრძობს. მრავალპარტიულ საკანონმდებლო ორგანოში მუშაობა სიტყვიერი დაპირისპირების და ურთიერთბრალდებების ფონზე მიმდინარეობდა. პარლამენტში შესული „ნაციონალები“ „ოცნებას“ პირდებიან, რომ მათ ევაკუაციას უახლოვეს მომავალში მოახდენენ და ამას არჩევნების გზით იზამენ. მმართველი გუნდი კი მათ ისევ გადატრიალებასა და რევოლუციური სცენარის განხორციელებაში ადანაშაულებს. 

ბიძინა ივანიშვილის მწვავე წერილის და  ექსპრემიერის გიორგი გახარიას მოღალატედ მოხსენიების მიუხედავად, თავად გახარია ივანიშვილის წინააღმდეგ მკვეთრ განცხადებებს მაინც ერიდება. მას სჯერა და ეჭვი ეპარება, რომ ივანიშვილმა წერილი თავად დაწერა. ფიქრობს, რომ მის წინააღმდეგ ის განაწყვეს და დაარწმუნეს საჯარო განცხადება გაეკეთებინა. 

7-თვიანი ბოიკოტის შემდეგ პარლამენტში „ნაცმოძრაობის დაბრუნების“ პირველივე დღემ აჩვენა, რომ ქვეყნის მთავარი საკანონმდებლო ორგანო სულ მალე მძიმე და ზოგ შემთხვევაში სანახაობრივი პოლიტიკური ბატალიების ადგილად გადაიქცევა. ენმ მმართველ პარტიას სერიოზული დისკომფორტის შექმნას ჰპირდება. „ოცნება“ კი აცხადებს, რომ მათ დესტრუქციის მოწყობის საშუალებას არ მისცემს და შარლ მიშელის დოკუმენტით განსაზღვრულ საპარლამენტო აქტივობებში მონაწილეობის უფლებას შეუზღუდავს. გარდა ამისა, „ნაცმოძრაობა“ ვერ ისარგებლებს ოპოზიციური პარტიებსთვის განკუთვნილი იმ შეღავათებით, რასაც საარჩევნო ადმინისტრაციის დაკომპლექტების ახალი წესი ითვალისწინებს.

პარლამენტში პლენარული სხდომა ისე დასრულდა, რომ „ნაციონალური მოძრაობის" თავმჯდომარეს, ნიკა მელიას სიტყვით გამოსვლის საშუალება არ მიეცა,რაზედაც თავად ენმ-ის წევრები აცხადებენ, რომ „ქართული ოცნება" მათ კრიტიკას გაექცა. საპარლამენტო უმრავლესობის წევრი გურამ მაჭარაშვილი კი „რეზონანსთან" აცხადებს, რომ „ნაცმოძრაობა" მაშინ მივიდა სხდომაზე, როდესაც პოლიტიკური დებატებისთვის გაკუთვნილი დრო უკვე ამოწურული იყო.

მოსაზრება იმის შესახებ, რომ „ქართულ ოცნებას" 7-თვიანი ბოიკოტის შემდეგ პარლამენტში შესული „ნაციონალური მოძრაობის" შეეშინდა და სხდომა იმიტომ დახურა, რომ პარტიის თავმჯდომარე ნიკა მელიასათვის სიტყვით გამოსვლი საშუალება არ მიეცა, არალოგიკურია, რადგან მელია უახლოეს დღეებში ამას მაინც შეძლებს. ამის შესახებ „რეზონანსს" ანალიტიკოსმა ვახტანგ ძაბირაძემ განუცხადა, რომელიც მიიჩნევს, რომ ენმ-ის დაბრუნების შემდეგ პარლამენტში უნდა ველოდოთ „სანახაობას და არა საქმეს" და „იქნება მუშაობა იმაზე, თუ ვინ უფრო რადიკალია".

ქვეყანაში მასობრივი აცრებისათვის მზადება დაიწყო. დიდ ქალაქებში მიდის მოლაპარაკება შესაბამისი ფართის მქონე სავაჭრო ცენტრებთან და პავილიონებთან, სადაც შესაძლოა აცრები ჩატარდეს. იქმნება ამცრელთა ახალი ბრიგადები. ამოქმედდა ხანდაზმულების ბინაზე აცრის პროგრამა.მასობრივი ვაქცინაცია სავარაუდოდ ივლისიდან დაიწყება და სპეციალისტთა ვარაუდით, ზაფხული გარდამტეხი იქნება კორონავირუსთან ბრძოლაში.

რესპუბლიკური პარტიის ლიდერი, დავით ბერძენიშვილი პარტია „პროგრესი და თავისუფლების" ლიდერს, კახა ოქრიაშვილს დაუპირისპირდა. მიზეზი ოქრიაშვილის მიერ „ფეისბუქში" გამოქვეყნებული პოსტი გახდა, სადაც ის ეჭვს გამოთქვამს, რომ პარლამენტში ახლახანს შექმნილი ფრაქცია „შარლ მიშელის რეფორმების ჯგუფი" ბიძინა ივანიშვილის პროექტია. საპასუხოდ ბერძენიშვილმა ოქრიაშვილს მისი პოლიტიკური წარსული შეახსენა.

„ქართული ოცნების" ყოფილი თავმჯდომარის, ბიძინა ივანიშვილის ორშაბათის განცხადებამ პოლიტიკოსებისა და ანალიტიკოსების ნაწილში სხვადასხვა პოზიციები გამოკვეთა. გაჩნდა მოსაზრება, რომ ივანიშვილი პოლიტიკიდან საბოლოოდ არ წასულა და პერიოდულად შესაძლოა ისევ ჩაერთოს პოლიტიკურ პროცესებში, თუ ამას საჭიროდ ჩათვლის. რამდენად შესაძლებელია, რომ ივანიშვილი „ოცნების" საარჩევნო კამპანიაში ჩაერთოს, მითუმეტეს იმის გათვალისწინებით, რომ წლევანდელ ადგილობრივ არჩევნებზე ვადამდელი საპარლამენტო არჩევნების ჩატარება-არჩატარებაც წყდება?

„ნაციონალური მოძრაობა" პარლამენტის სხდომას დღის მეორე ნახევარში შეუერთდება. დაგვიანების მიზეზი ისაა, რომ პარტიის წევრები ამჟამად სხვადასხვა ტექნიკურ საკითხებზე თათბირობენ. რაც შეეხება პარლამენტთან მიმდინარე აქციასა და მათთვის გამზადებულ სირცხვილის კორიდორს, ენმ-ის ერთ-ერთი ლიდერი რომან გოცირიძე „რეზონანსთან" საუბრისას ამბობს, რომ ეს ჩვეულებრივი მოვლენა და პოლიტიკური ცხოვრების განუყოფელი ნაწილია.

ქვეყანაში მასობრივი ვაქცინაცია ივლისიდან იწყება, რა დროსაც დღეში მინიმუმ 20-25 ათასი ადამიანი უნდა აიცრას, რითაც დაავადებათა კონტროლის ცენტრის ინფორმაციით, წლის ბოლომდე სამიზნე საზოგადოებრივ იმუნიტეტს მივაღწევთ. სპეციალისტების ნაწილი თვლის რომ ქვეყანა ამისთვის მეტ-ნეკლებად მზადაა, რადგან ვაქცინების პერსპექტივაცაა და გარკვეული გამოცდილებაც.

ნატოს სამიტამდე ერთი კვირით ადრე უკრაინის პრეზიდენტი ვოლოდიმირ ზელენსკი აცხადებს, რომ თუ ალიანსს ქვეყნის წევრობა ნამდვილად სურს, საკითხი დაუყოვნებლივ უნდა გადაწყდეს, რადგან სულ უფრო მეტ უკრაინელს ახლა ისე ძლიერად აღარ სჯერა ამის, როგორც წარსულში.

რაც შეეხება საქართველოს, პარლამენტი ამზადებს განცხადებას, რომელიც მისი თავმჯდომარის კახა კუჭავას თქმით მრავალპარტიულია და ხაზს უსვამს იმ დიდ პოლიტიკურ მხარდაჭერას, რომელიც პარლამენტში ჩვენი ქვეყნის ნატოში გაწევრებას აქვს.