„ქართული ოცნების" წევრები, მათ შორის პრემიერი, აცხადებენ, რომ თუ ევროკავშირის მხრიდან მოლაპარაკებების გახსნაზე შეთავაზება იქნება, დღესვე დათანხმდებიან. ანალიტიკოსების ნაწილი ფიქრობს, რომ ეს „ოცნების" მხრიდან ერთგვარი შანტაჟი და ფარისევლობაა. სხვების აზრით კი, ეს არის გუშინდელი განცხადების ახსნა-განმარტება.

ქვეყანაში განვითარებული მოვლენების ფონზე, საგარეო საქმეთა სამინისტროს მოქმედი თანამშრომლები გაიფიცნენ, ბულგარეთში საქართველოს ელჩმა გადადგომის შესახებ განაცხადა. "ქართული ოცნების" დეპუტატი ნინო წილოსანი გაფიცულებს ეუბნება, რომ "უფრო დამაჯერებელი იქნება თუ თანამდებობებს დატოვებენ და მთავარ ღირებულებებზე დაფიქრდებიან". გახარიას გუნდი და სხვა ოპოზიციონერები კი, საჯარო მოხელეებს "ხმის ამოღებისკენ" მოუწოდებენ.

იმის ფონზე, რომ საპროტესტო მუხტმა აიწია და თან პრეზიდენტი სალომე ზურაბიშვილი გააქტიურდა, ოპოზიციაში დაიწყეს იმაზე საუბარი, რომ ამ ახლა ექსპრეზიდენტ მიხეილ სააკაშვილის აქციაზე ყოფნა მნიშვნელოვანია და მოქმედ პრეზიდენტს მოუწოდებენ, „სანამ დროა შეიწყალოს". ანალიტიკოსები არ გამორიცხავენ, რომ ზურაბიშვილმა ეს ნაბიჯი საბოლოოდ მაინც გადადგას.

არჩევნების შემდეგ ერთგვარად მინავლებული საპროტესტო მუხტი წუხელ მოულოდნელად ისევ გაღვივდა. სიტუაცია მას შემდეგ დაიძაბა, რაც ცნობილი გახდა, რომ საქართველო ევროკავშირთან მოლაპარაკებების გახსნის საკითხს 2028 წლამდე აჩერებს. ხალხი ქუჩაში გამოვიდა და ამ გადაწყვეტილებას აპროტესტებს. გააქტიურდა პრეზიდენტი, რომელმაც საგანგებო ბრიფინგი ოპოზიციასთან ერთად გამართა, სადაც თქვა, რომ „ბოლომდე დარჩება". მანამდე კი დასავლეთის ქვეყნების დიპლომატებს შეხვდა. მან მთავრობა, არც მეტი არც ნაკლები, საკონსტიტუციო გადატრიალებაში დაადანაშაულა.

"ქართული ოცნება" ევროინტეგრაციის პროცესს ფაქტობრივად აჩერებს, რასაც წინ უძღვოდა ევროპარლამენტის მიერ მიღებული რეზოლუცია, რომელიც შეიცავს მოწოდებას, რათა ევროკომისიამ საქართველოსთან უვიზო რეჟიმს გადახედოს. ასევე, "ქართული ოცნების" ლიდერების - ბიძინა ივანიშვილის, ირაკლი კობახიძის, კახა კალაძის, შალვა პაპუაშვილისა და ირაკლი ღარიბაშვილის დასანქცირებას მოითხოვს და ერთი წლის განმავლობაში საქართველოში არჩევნების ხელახლა ჩატარების მოწოდებით გამოდის.

დროებით ოკუპირებულ აფხაზეთში ე.წ. ვადამდელი საპრეზიდენტო არჩევნები 2025 წლის 15 თებერვალს გაიმართება. ყოფილ სახელმწიფო მინისტრისა და კონფლიქტოლოგის პაატა ზაქარეიშვილის ვარაუდით, ორი ძირითადი კანდიდატი იქნება, მათ შორის ყოფილი პრეზიდენტი ასლან ბჟანია.

„საქართველოში სიბნელეა, მზე ვეღარ ანათებს და ამ სიბნელის გარღვევას დრო სჭირდება, ასევე ადამიანი, რომელიც ხელში ჩირაღდანს დაიჭერს და შემოვა საქართველოში. იანვარში და თებერვალში ხალხი ეკონომიკური პრობლემის წინაშე რომ აღმოჩნდება, მერე გამოიღვიძებს," - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

პრეზიდენტის არჩევნები ორ კვირაში გაიმართება, ოპოზიცია კი პროცესს უნდობლობას უცხადებს და შესაბამისად არ აღიარებს 14 დეკემბრის არჩევნების შედეგებს. ანალიტიკოსები არ გამორიცხავენ, რომ მორიგი გართულების ეტაპი დადგეს დეკემბრის შუა რიცხვებში და "ჭიდაობა დაიწყოს იმის თაობაზე, სალომე ზურაბიშვილი ორბელიანების სასახლიდან გამოვა თუ არა".

აშშ-ს ახალი პრეზიდენტის ინაუგურაცია 20 იანვარს გაიმართება, შესაბამისად მისი ადმინისტრაცია მომავალი წლის იანვრის ბოლოდან შეუდგება მუშაობას. განახლების პროცესში მყოფი ევროკავშირის სტრუქტურების შემადგენლობა კი ოფიცლაურად მუშაობას 1-ლი დეკემბრიდან დაიწყებს.

"ქართულმა ოცნებამ" პრეზიდენტობის კანდიდატად მიხეილ ყაველაშვილი დაასახელა. წარდგენას უძღვოდა პარტიის პოლიტსაბჭოს სხდომა, რის შემდეგაც, "ოცნების" საპატიო თავმჯდომარემ, ბიძინა ივანიშვილმა გადაწყვეტილების შესახებ სპეციალური განცხადება გააკეთა. ივანიშვილის თქმით, ყაველაშვილი "თავისი ბუნებით და ჰაბიტუსითაც არის ქართველი კაცის საუკეთესო განსახიერება".

რიგგარეშე არჩევნების დანიშვნის მოთხოვნით ოპოზიცია ხალხს მოუწოდებდა, რომ ქუჩაში გამოსულიყვნენ, თუმცა, პროტესტმა არაერთი მცდელობის მიუხედავად მასობრივი ხასიათი არ მიიღო და თანდათან მინელდა. ანალიტიკოსები ამის რამდენიმე მიზეზს ასახელებენ.

ქვეყნის სატრანსპორტო და ლოგისტიკური პოტენციალის სრულად გამოყენების მიმართულებით, მთავრობა მიზნად ისახავს სექტორის კონკურენტუნარიანობის გაზრდას და მდგრადი, ეფექტური სატრანსპორტო კავშირების შექმნას ისახავს, რომლებიც მნიშვნელოვან როლს შეასრულებენ ქვეყნის ეკონომიკური ინტეგრაციის გაძლიერებაში, - ამის შესახებ ეკონომიკისა და მდგრადი განვითარების მინისტრობის კანდიდატმა, ლევან დავითაშვილმა განაცხადა.